ខេត្តកំពង់ធំ ៖ សេចក្តីរាយការណ៍បឋមបានឲ្យដឹងថា មានករណីគ្រោះថ្នាក់ចរាចរណ៍រវាងម៉ូតូបុករថយន្ត ក្នុងទិសដៅស្របគ្នាពីជើងទៅត្បូង បណ្ដាលឲ្យស្លាប់មនុស្ស០២នាក់ ។ ហេតុការណ៍កើតឡើងនៅវេលាម៉ោង២១និង២០នាទីថ្ងៃទី០៤ ខែកក្កដា ឆ្នាំ២០១៨ នៅលើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១២៥-១២៦ ចំណុចភូមិត្រពាំងស្វាយ ឃុំបល្ល័ង្ក ស្រុកបារាយណ៍ ខេត្តកំពង់ធំ ។
ដែលម៉ូតូខាងលើម៉ាកហុងC125 ពណ៌ខ្មៅ ផ្លាកលេខកំពង់ធំ 1H-9034 បើកបរដោយឈ្មោះ ហៀង សីហា ភេទប្រុស អាយុ១៨ឆ្នាំ នៅភូមិវាលធំ ឃុំគគីធំ ស្រុកបារាយណ៍ ខេត្តកំពង់ធំ(ស្លាប់នៅកន្លែងកើតហេតុ)(មិនពាក់មួកសុវត្ថិភាព) ។ រួមដំណើរឈ្មោះ អុល ឡី ភេទប្រុស អាយុ២១ឆ្នាំ នៅភូមិ-ឃុំជាមួយអ្នកបើកបរម៉ូតូខាងលើ (ស្លាប់នៅកន្លែងកើតហេតុ)(មិនពាក់មួកសុវត្ថិភាព) ។
ចំណែករថយន្ត ពណ៌ក្រហមលាយខ្មៅ ផ្លាកលេខ ហ០៣៧៨-ភព២(ដឹកសំបកដបស្រា) អ្នកបើកបរមិនស្គាល់អត្តសញ្ញាណ(គេចខ្លួនបាត់) ។ រីវត្ថុតាងយកមករក្សាទុកនៅអធិការដ្ឋាននគរបាលស្រុកបារាយណ៍ ។ មូលហេតុជាបឋម គឺបង្កដោយរថយន្តខូច ហើយចតលើទ្រូងផ្លូវ គ្មានដាក់ផ្លាកសញ្ញា និងភ្លើងបំភ្លឺរួមផ្សំ និងអ្នកបើកបរម៉ូតូមានល្បឿនលឿន ៕
ចែករំលែកព័តមាននេះ