ពិធីសំណេះសំណាល និងនាំយកអំណោយជូនដល់អតីតយុទ្ធជនទីទ័លក្រ
- បាត់ដំបង
ខេត្តបាត់ដំបង ៖ នាថ្ងៃទី០៤ ខែកក្កដា ឆ្នាំ២០១៨ វេលាម៉ោង ០៨ និង៣០នាទីព្រឹក លោកឧត្តមសេនីយ៍ទោ អ៊ុក…
ខេត្តបាត់ដំបង ៖ នាថ្ងៃទី០៤ ខែកក្កដា ឆ្នាំ២០១៨ វេលាម៉ោង ០៨ និង៣០នាទីព្រឹក លោកឧត្តមសេនីយ៍ទោ អ៊ុក ឃ្នួច មេបញ្ជាការតំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត, ឯកឧត្តម ឡាយ សែ ទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេឃុំតាពូង ប្រធានកិត្តិយសសាខាឃុំ, លោកវរសេនីយ៍ឯក អ៊ុក ស៊ីវុត្ថា មេបញ្ជាការរង តំបន់ប្រតិបត្តិការសឹករងបាត់ដំបង សមាជិក គណកម្មាធិការ ស.អ.ក ខេត្ត, លោកវរសេនីយ៍ឯក សុខ ស៊ីថា មេបញ្ជាការរង តំបន់ប្រតិបត្តិការសឹករងបាត់ដំបង, លោក កុយ រុំ អនុប្រធានសាខាគយ និងរដ្ឋាករខេត្ត អញ្ជើញជាអធិបតីក្នុងពិធីសំណេះសំណាល សួរសុខទុក្ខ និងនាំយកអំណោយជូនដល់អតីតយុទ្ធជនទីទ័លក្រ នៅឃុំតាពូង ស្រុកថ្មគោល អញ្ជើញចូលរួមមាន៖
អស់លោកក្រុមការងារ ស.អ.ក ខេត្ត, លោកវរសេនីយ៍ឯក ផង់ សុភាព អធិការនគរបាលស្រុក ប្រធាន ស.អ.ក ស្រុក, លោកអនុប្រធានទាំង៤, លោកប្រធានសាខាឃុំ, ក្រុមការងារ ស.អ.ក ស្រុក អាជ្ញាធរដែនដីសរុបចំនួន២៨នាក់ ស្ថិតនៅភូមិទំពូងត្បូង ឃុំតាពូង ស្រុកថ្មគោល ខេត្តបាត់ដំបង។ ពិធីនេះលោកប្រធាន ស.អ.ក ខេត្ត បានសំណេះសំណាល និងផ្តាំផ្ញើនូវការសាកសួរ សុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ហើយសម្តេចតែងតែក្រើនរំលឹកដល់ប្រធានសមាគមត្រូវយកទុកដាក់ខ្ពស់បំផុតចំពោះបងប្អូនអតីតយុទ្ធជន និងគ្រួសារអតីតយុទ្ធជនដែលមានជីវភាពទីទ័លគ្មានទីជម្រកសមរម្យ។
ដូច្នេះត្រូវគាំទ្រសម្តេច ហើយណែនាំបងប្អូនឲ្យទៅបោះឆ្នោតនៅពេលខាងមុខនេះឲ្យបានគ្រប់ៗគ្នា ហើយត្រូវតែបោះឆ្នោតជូន សម្តេចតេជោ ដើម្បីដឹកនាំប្រទេសជាតិ និងធ្វើជាប្រធានសមាគមអតីតយុទ្ធជនរបស់បងប្អូន យើងបន្តទៀត។ ក្នុងឱកាសនេះដែរលោកប្រធាន ស.អ.ក ខេត្តបានប្រគល់ម៉ូតកង់បី ១គ្រឿង ជាអំណោយ ឯកឧត្តម ឧត្តមសេនីយ៍ឯក ហ៊ុន ម៉ាណែត នាយសេនាធិការចម្រុះស្តីទី នៃកងយោធពលខេមរភូមិន្ទ មេបញ្ជាការស្តីទី កងទ័ពជើងគោក អគ្គលេខាធិការរង គណៈអចិន្ត្រៃយ៍ នៃគណៈកម្មាធិការកណ្តាល សមាគម អតីតយុទ្ធជនកម្ពុជា ជូនដល់អតីតយុទ្ធជនឈ្មោះ កយ ប៉ែន ជានិវត្តជន ភេទប្រុស អាយុ៥៤ឆ្នាំ។
ដោយឡែកអតីតយុទ្ធជនដែលមានជីវភាពទីទ័ល ចូលរួមចំនួន ១១នាក់ ម្នាក់ៗទទួលបានថវិកា ៥០,០០០រៀល សារ៉ុង១ ជាអំណោយដ៏ថ្លៃថ្លារបស់សម្តេច អគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផងដែរ៕
ចែករំលែកព័តមាននេះ