ខេត្តកំពង់ស្ពឺ ៖ អ្នកបើករថយន្តដឹកប្រេងម្នាក់ត្រូវបានម្ចាស់រថយន្តដឹកប្រេងប្តឹងឱ្យសមត្ថកិច្ចឃាត់ខ្លួន ក្រោយធ្វើសកម្មភាព ហើយរត់គេចខ្លួន ហេតុការណ៍ឃាត់ខ្លួននេះកើតឡើងកាលពីល្ងាចថ្ងៃទី៣ ខែកក្កដា ឆ្នាំ២០១៨ ស្ថិតនៅភូមិស្នោទី២ សង្កាត់សុពរ័ទេព ក្រុងច្បារមន ។
ជនសង្ស័យខាងលើឈ្មោះ ខៀវ សុភ័ក្រ (ហៅរឿន វីរៈ) ភេទប្រុស អាយុ៣១ឆ្នាំ រស់នៅភូមិស្នោទី២ សង្កាត់សុពរ័ទេព ក្រុងច្បារមន ។
បើតាមសមត្ថកិច្ចឱ្យដឹងថា មុនចាប់ខ្លួន គឺជនសង្ស័យជាអ្នកបើករថយន្តដឹកប្រេងរបស់ក្រុមហ៊ុន ពាក់ស្លាកលេខភ្នំពេញ ៣A៧៨៨១ ។ ហើយក្រោយពេលឃាត់ខ្លួនជនសង្ស័យបានឆ្លើយសារភាពថា នៅថ្ងៃទី១៩ មិថុនា ខ្លួនបានលួចយកប្រេងសរុប១៥៨លីត្រ បន្ទាប់មកនៅថ្ងៃទី៣០ មិថុនា នៅចំណុចផ្សារព្រៃផ្តៅ លួចចំនួន៨លីត និងលើកចុងក្រោយនៅថ្ងៃទី១ កក្កដា គឺលួចបានចំនួន១៥០លីត្រទៀតនៅចំណុចកំបូល។
ជនសង្ស័យបន្តថា ក្រោយធ្វើសកម្មភាពបូមប្រេងលក់បានលុយហើយ រូបគេបានយកលុយដើរស៊ីចាយ ហើយចូលធ្វើការវិញដូចគ្មានរឿងអ្វីកើតឡើងចឹង។ ពេលនោះមានតៃកុងម្នាក់ផ្សេងទៀតនិយាយថា មេហាក់បីដូចជាដឹងរឿងដែលគេបូមប្រេងលក់ ហើយក្រោយដឹងរឿងហើយរូបគេក៏រត់គេចខ្លួនតែម្តង។
នគរបាលក្រុងច្បារមនបានឱ្យដឹងថា បន្ទាប់ពីស្តាប់ចម្លើតយសារភាពរបស់ជនសង្ស័យរួច ក៏កសាងសំណុំរឿង ដើម្បីចាត់ការតាមច្បាប់។
ចែករំលែកព័តមាននេះ