សាធារណរដ្ឋកូរ៉េ ៖ នៅថ្ងៃទី១៥ ខែកក្កដា ខាងមុខនេះ ពលរដ្ឋខ្មែរនៅសាធារណរដ្ឋកូរ៉េនឹងទទួល
បានសេវាបន្តសុពភាពលិខិតឆ្លងដែន ដោយឥតគិតថ្លៃ និងការប្រឹក្សាផ្នែកច្បាប់ការងារ ។ នេះបើតាម
សេចក្តីជូនដំណឹងរបស់ស្ថានទូតកម្ពុជាប្រចាំសាធារណរដ្ឋកូរ៉េ នៅព្រឹកថ្ងៃទី២ ខែកក្កដា ។
សេចក្តីជូនដំណឹងបានឱ្យដឹងថា ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ មានកិត្តិយសសូមជម្រាបជូនដំណឹងដល់ប្រជាពលរដ្ឋខ្មែរទាំងអស់ដែលកំពុងសិក្សា ធ្វើការ និងរស់នៅសាធារណរដ្ឋកូរ៉េជ្រាបថា ក្នុងគោលបំណងចូលរួមកាត់បន្ថយចំណាយ និងពេលវេលារបស់បងប្អូន ព្រមទាំងដើម្បីអនុវត្តយន្ដការបង្ខិតសេវាឱ្យជិតដល់ប្រជាពលរដ្ឋខ្មែរ ស្ថានឯកអគ្គរាជទូតកម្ពុជាបានសហការជាមួយអង្គភាពអភិវឌ្ឍន៍ធន
ធានមនុស្សកូរ៉េប្រចាំទីក្រុងថេហ្គូ នឹងចុះផ្ដល់សេវាបន្ដសុពលភាពលិខិតឆ្លងដែនដោយឥតគិតថ្លៃ ប្រឹក្សាយោបល់ផ្នែកច្បាប់ការងារ និងផ្សព្វផ្សាយកម្មវិធីវិលត្រឡប់វិញ ក្រោយចប់អាណត្តិការងារនៅថ្ងៃអាទិត្យទី១៥ ខែកក្កដា ឆ្នាំ២០១៨នៅអង្គភាពអភិវឌ្ឍន៍ធនធានមនុស្សកូរ៉េប្រចាំទីក្រុងថេហ្គូ ចាប់ពីម៉ោង១៣ដល់ម៉ោង១៦ ។
អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋខ្មែរទាំងអស់អញ្ជើញទៅទទួលសេវាឥតបង់ថ្លៃនេះឱ្យបានច្រើនកុះករ និងសូមចូលរួមផ្សព្វផ្សាយព័ត៌មានបន្ដ ។ សម្រាប់ព័ត៌មានបន្ថែម សូមទាក់ទងលោកស្រី ហេង វួចលាង ០៥៣-៥៨០-២៣៦២ និងលោក ជា លីសែ ០១០-៤៤៤៧-៧១៦៨ ៕
ចែករំលែកព័តមាននេះ