ការរៀបចំណាត់ថ្នាក់ពី «Thomson Reuters Foundation» កាលពីពេលថ្មីៗកន្លងមកដោយសាកសួរលើអ្នកជំនាញពីបញ្ហាដែលកើតទៅលើស្ត្រីឃើញថា ឥណ្ឌាជាជើងឯកប្រទេសគ្រោះថ្នាក់បំផុតសម្រាប់ស្ត្រី តាមរយៈការប្រព្រឹត្តបទល្មើសលើផ្លូវភេទ ការជួញដូរមនុស្ស ការបង្ខំឲ្យរៀបការ ការរៀបការមុនអាយុ…
ការរៀបចំណាត់ថ្នាក់ពី «Thomson Reuters Foundation» កាលពីពេលថ្មីៗកន្លងមកដោយសាកសួរលើអ្នកជំនាញពីបញ្ហាដែលកើតទៅលើស្ត្រីឃើញថា ឥណ្ឌាជាជើងឯកប្រទេសគ្រោះថ្នាក់បំផុតសម្រាប់ស្ត្រី តាមរយៈការប្រព្រឹត្តបទល្មើសលើផ្លូវភេទ ការជួញដូរមនុស្ស ការបង្ខំឲ្យរៀបការ ការរៀបការមុនអាយុ និងបង្ខំឲ្យជួញដូរផ្លូវភេទ ។
កន្លងមកឥណ្ឌាបានព្យាយាមបង្កើនទោសទៅលើរឿងក្ដីប្រព្រឹត្តបទល្មើសលើផ្លូវភេទនេះ មានទាំងការដាក់គុករយៈពេលវែង និងជំរុញឲ្យមានទោសប្រហារជីវិត ប៉ុន្តែមិនបានធូរស្រាល ព្រោះតាមតួលេខនៃការប្រព្រឹត្តបទឧក្រិដ្ឋនៅក្នុងប្រទេស បានបញ្ជាក់ថាមានការប្រព្រឹត្តបទល្មើសលើផ្លូវភេទជិត៣៩.០០០ករណីនៅក្នុងឆ្នាំ២០១៦ កើនឡើងប្រហែល១២ភាគរយ ក្នុងអំឡុងពេលដូចគ្នានៅឆ្នាំ២០១៥ ។ លើសពីនេះក្រោយពីប្រកាសឲ្យមានការរឹតបន្ដឹងលើច្បាប់ អាជ្ញាធរបានទទួលរបាយការណ៍ថាមានករណីល្មើសលើផ្លូវភេទចំនួន១០០ករណីនៅឥណ្ឌាក្នុងមួយថ្ងៃៗ ។
តាមការណ៍រៀបចំណាត់ថ្នាក់របស់«Thomson Reuters Foundation» បានបញ្ជាក់ថាក្នុងចំណោម៥ចំណាត់ថ្នាក់ដំបូងពី១ដល់៥មាន ប្រទេសឥណ្ឌា អាហ្វហ្គានីស្ថាន ស៊ីរី សូម៉ាលី អារ៉ាប៊ីសាអូឌីត ។ ចំណែក៥ចំណាត់ថ្នាក់ទៀតពី៦ទៅ១០មានប្រទេសប៉ាគីស្ថាន កុងហ្គោ យេម៉ែន នីហ្សេរីយ៉ា និងអាមេរិក ៕
ចែករំលែកព័តមាននេះ