រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈព្រឹកវេលាម៉ោងប្រហែលជាជិត១០ថ្ងៃទី០៤ ខែកក្កដា ឆ្នាំ២០១៨ មានករណីទុស្សេខ្សែភ្លើងឆេះយ៉ាងសន្ធោសន្ធៅនៅចំណុចផ្លូវម៉ៅសេទុងកែងផ្លូវ១៦៣ ក្នុងសង្កាត់ទួលទំពូងទី២ ខណ្ឌចំការមន ។…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈព្រឹកវេលាម៉ោងប្រហែលជាជិត១០ថ្ងៃទី០៤ ខែកក្កដា ឆ្នាំ២០១៨ មានករណីទុស្សេខ្សែភ្លើងឆេះយ៉ាងសន្ធោសន្ធៅនៅចំណុចផ្លូវម៉ៅសេទុងកែងផ្លូវ១៦៣ ក្នុងសង្កាត់ទួលទំពូងទី២ ខណ្ឌចំការមន ។
សេចក្តីរាយការណ៍បន្តថា ខណៈនោះកម្លាំងមានសមត្ថកិច្ចកំពុងហៅរថយន្តពន្លត់អគ្គិភ័យមកជួយបាញ់ទឹកពន្លត់យ៉ាងញាប់ដៃញាប់ជើង និងម្នាក់ៗខំជួយគ្នា យ៉ាងរហ័សផងដែរ ។
ពេលនេះម៉ោងជាង១០ កម្លាំងមានសមត្ថកិច្ចបានធ្វើការពន្លត់ភ្លើងបានទាំងស្រុងហើយ ដោយបានប្រើប្រាស់រថយន្តពន្លត់អគ្គិភ័យចំនួន២គ្រឿង និងមិនបង្កឲ្យឆេះរាដាលដល់ផ្ទះប្រជាពលរដ្ឋឡើយ ។ តែករណីនេះខាងយើងនៅមិនទាន់ដឹងថា ខូចខាតអស់អ្វីខ្លះនោះទេ ៕ ព័ត៌មានលម្អិតនឹងមានផ្សាយជូននៅពេលក្រោយទៀត ។
ចែករំលែកព័តមាននេះ