ក្នុងអគញ្ញសូត្រ នៃគម្ពីទីឃនិកាយ បាដិកវគ្ក ព្រះសម្មសម្ពុទ្ធទ្រង់បានសម្តែងពីការវិវឌ្ឍរបស់ផែនដី និងវឌ្ឍនាការនៃមនុស្សជាតិ។ ព្រះសូត្រនោះបានបង្ហាញឱ្យឃើញនូវកំណកំណើតនៃការកកើតឡើងរបស់សង្គមមនុស្ស ដោយការរួមបវេណី រវាងភេទប្រុស និងភេទស្រី ការសន្សំអាហារ…
ក្នុងអគញ្ញសូត្រ នៃគម្ពីទីឃនិកាយ បាដិកវគ្ក ព្រះសម្មសម្ពុទ្ធទ្រង់បានសម្តែងពីការវិវឌ្ឍរបស់ផែនដី និងវឌ្ឍនាការនៃមនុស្សជាតិ។ ព្រះសូត្រនោះបានបង្ហាញឱ្យឃើញនូវកំណកំណើតនៃការកកើតឡើងរបស់សង្គមមនុស្ស ដោយការរួមបវេណី រវាងភេទប្រុស និងភេទស្រី ការសន្សំអាហារ និងការបែងចែកដីធ្លី បង្កើតសេដ្ឋកិច្ចគ្រួសារ ការគ្រប់គ្រងដើម្បីដោះស្រាយរឿងការលួចអាហារគ្នា ការកុហក ដោយការសន្មតបុគ្គលដែលមានសមត្ថភាពឱ្យធ្វើជាអ្នកវិនិច្ច័យរកខុសត្រូវ ការស្វែងរកសេចក្តីស្ងប់ក្នុងផ្លូវចិត្ត និងការបន្តនូវចំណេះវិជ្ជាដល់គ្នានិងគ្នា ។
សូមស្រង់យកអង្គប្រកបនៃការបង្កលក្ខណៈសង្គម តាមបែបពុទ្ធសាសនាជា៥យ៉ាងគឺៈ
១-មានការរួមគ្នាជាក្រុមគ្រួសារ និងការបន្តពូជ
២-មានសេដ្ឋកិច្ចសម្រាប់ដោះស្រាយជីវិត
៣-មានការគ្រប់គ្រងដើម្បីសេចក្តីសុខរួម
៤-មានសាសនាសម្រាប់បង្ហាត់ធ្វើអ្វីខុសអ្វីត្រូវ
៥-មានការសិក្សាសម្រាប់បន្តវប្បធម៌ ដែលក្រុមជនបានបណ្តុះឡើង ។
ទាំង៥ចំណុចនេះជាមូលដ្ឋានទ្រទ្រង់សង្គមឱ្យមានស្ថិរភាព និងបន្តជាតំណតទៅមុខទៀតបាន។ បច្ចុប្បន្នអង្គប្រកបទាំង៥នេះ ខាងសង្គមវិទ្យា គេហៅថា ស្ថាប័នបែងចែកមែងធែងជាច្រើនទៀត ។
ទង្វើអ្វីមួយដែលនឹងត្រូវធ្វើឡើងជាមួយសង្គម ត្រូវគិតពិចារណាចំពោះស្ថាប័នទាំង៥នេះ ជាប់ជានិច្ច ព្រោះវាជាធាតុដើមរបស់សង្គម ។
ចែករំលែកព័តមាននេះ