ប្រទេសឥណ្ឌូណេស៊ី ៖ ភ្នំភ្លើង AGUNG នៅលើកោះបាលី បានផ្ទុះទៀតនាយប់ថ្ងៃទី២ ខែកក្កដា ដោយបញ្ចេញកំអែ និងជះផេះកម្ពស់ជាច្រើនគីឡូម៉ែត្រទៅលើអាកាស និងជម្រុញឲ្យប្រជាជនជ្រួលច្របល់នាំគ្នាចាកចេញពីផ្ទះសម្បែង។
ភ្នំភ្លើង AGUNG នាភាគខាងជើងកោះបាលីមានសកម្មភាពជាថ្មី ចាប់តាំងពីដំណាច់ឆ្នាំមុនមក ហើយនាថ្ងៃទី២៩ មិថុនា ព្រលានយន្តហោះអន្តរជាតិនៃកោះទេសចរណ៍នោះ ត្រូវបានបិទជាបណ្ដោះអាសន្ន នាំឲ្យស្ទះដល់ជើងហោះហើរនានានៃយន្តហោះ រួចអ្នកដំណើរច្រើនពាន់នាក់ត្រូវជាប់គាំង។
ការផ្ទុះខ្លាំងនៃភ្នំភ្លើងនោះ គឺកាលពីឆ្នាំ១៩៦៣បណ្ដាលឲ្យមនុស្សស្លាប់ជាង១០០០នាក់ រួចភូមិជាច្រើននៅជើងភ្នំនេះត្រូវបំផ្លាញអស់គ្មានសល់៕
ចែករំលែកព័តមាននេះ