សមត្ថកិច្ចក្រុងម៉ូស្គូបានធ្វើការចោទប្រកាន់ជនជាតិអាមេរិក រុស្ស៊ី និងម៉ិកស៊ិកពីរនាក់ទៀតពីបទប៉ុនប៉ងលក់សំបុត្រការប្រកួតព្រឹត្តិការណ៍ World Cup ២០១៨ បន្តដោយខុសច្បាប់ ។
ប្រភពពីទីភ្នាក់ងារព័ត៌មានរដ្ឋរុស្ស៊ី TASS ផ្សាយថា ជនជាតិអាមេរិកវ័យ ២៧ ឆ្នាំត្រូវបានឃុំខ្លួននៅក្បែរមជ្ឈមណ្ឌលចែកចាយប័ណ្ណសម្គាល់ខ្លួន Fan ID នៅលើផ្លូវ Khamovichesky Val Street ហើយបន្ទាប់មកត្រូវបាននាំទៅកាន់ស្ថានីយ៍ប៉ូលិសពីបទមានបំណងលក់សំបុត្រទស្សនា World Cup ២០១៨ បន្តដើម្បីបានប្រាក់ចំណេញខ្ពស់ ។
ដោយឡែកមនុស្សបីនាក់ផ្សេងទៀតដែលមានជនជាតិម៉ិកស៊ិកពីរនាក់ និងរុស្ស៊ីម្នាក់ក៏ត្រូវបានឃុំខ្លួនដែរពីការប៉ុនប៉ងលក់សំបុត្រសម្រាប់ការប្រកួតរវាងក្រុមរុស្ស៊ីនិងអេស្ប៉ាញ ។ ពួកគេចង់លក់សំបុត្រទៅឱ្យអ្នកគាំទ្រដូចគ្នាចាប់ពីតម្លៃ ២៤៥ដុល្លារទៅ ៣០០ ដុល្លារ ។
សូមរំលឹកផងដែរថា យោងតាមច្បាប់ចែងដោយស្ថាប័ន FIFA ថា អ្នករំលោភសិទ្ធិនឹងប្រឈមការពិន័យពី ២០ ទៅ ២៥ ដងនៃតម្លៃសំបុត្រ ទស្សនា World Cup ដំបូង ៕
ចែករំលែកព័តមាននេះ