បញ្ញា សិទ្ធិ មិនដើរលេងយប់ ព្រោះតែខ្លាចរឿងមួយ
- ភ្នំពេញ
រាជធានីភ្នំពេញ ៖ ក្នុងចំណោមខ្សែភាពយន្តដែលផលិតឡើងដោយផលិតករ ល្បីៗ គេកត់សម្គាល់ឃើញថា តារាសម្ដែង និងជាពិធីករលោកបញ្ញា សិទ្ធិ មានឱកាសបានចូលរួមសម្តែងច្រើន ។…
រាជធានីភ្នំពេញ ៖ ក្នុងចំណោមខ្សែភាពយន្តដែលផលិតឡើងដោយផលិតករ ល្បីៗ គេកត់សម្គាល់ឃើញថា តារាសម្ដែង និងជាពិធីករលោកបញ្ញា សិទ្ធិ មានឱកាសបានចូលរួមសម្តែងច្រើន ។…
រាជធានីភ្នំពេញ ៖ ក្នុងចំណោមខ្សែភាពយន្តដែលផលិតឡើងដោយផលិតករ ល្បីៗ គេកត់សម្គាល់ឃើញថា តារាសម្ដែង និងជាពិធីករលោកបញ្ញា សិទ្ធិ មានឱកាសបានចូលរួមសម្តែងច្រើន ។ ក្នុងចំណោមនោះភាពយន្តក្រោមការដឹកនាំរឿងរបស់អ្នកស្រីពាន់ ភួងបុប្ផា ច្រើនជាងគេ ។ ជាក់ស្ដែងលោកសិទ្ធិ ទើបតែបានតំណែងក្នុងរឿង«ប្រច័ណ្ឌ»ដែលជាភាពយន្តខ្នាតធំ របស់អ្នកស្រីពាន់ ភួងបុប្ផា ។
លោកបញ្ញា សិទ្ធិ និយាយថា លោកកំពុងថតរឿង«ប្រច័ណ្ឌ»ក្រោមការដឹកនាំរឿងរបស់អ្នកស្រីពាន់ ភួងបុប្ផា ដោយភាពយន្តនេះនឹងគ្រោងដាក់បញ្ចាំងនៅរោងកុននាពេលខាងមុខ ។ ភាពយន្តមួយនេះមានប្លង់ និងឈុតឆាក លំបាកៗខ្លាំង ខណៈអ្នកស្រីពាន់ ភួងបុប្ផា ម៉ត់ចត់ គឺថតខុសតែបន្តិចមិនយកទេ ។ ទោះជាយ៉ាងណាក្តីលោកមិនសូវថតខុសទេ ដោយសារតែលោកធ្លាប់ធ្វើការជាមួយអ្នកស្រីពាន់ ភួងបុប្ផា ច្រើនរឿងមកហើយ បានដឹងច្បាស់ថាអ្នកស្រីចង់បានអី មិនត្រូវការអី ដែលធ្វើឲ្យលោកចេញថត ម្ដងៗមិនសូវខុស ។
លោកបញ្ញា សិទ្ធិ និយាយថា«ឲ្យតែថតរឿងឲ្យអ្នកស្រីពាន់ ភួងបុប្ផា ខ្ញុំមិនសូវហ៊ានដេកយូរ និងដើរពេលយប់នោះទេ ព្រោះតែខ្លាចមកថតមិនទាន់ម៉ោង និងខ្លាចលេងទឹកមុខមិនបានល្អនៅពេលផឹកជ្រុល ឬអត់ងងុយ ។ ម្យ៉ាងមកពីខ្ញុំចង់សម្ដែងឲ្យបានល្អ ក្នុងភាពយន្តរឿង«ប្រច័ណ្ឌ»របស់អ្នកស្រីនេះផង ទើបខ្ញុំត្រូវតែម៉ត់ចត់បន្តិច ទាំងការរៀបចំឥរិយាបទ និងការទទួលខុសត្រូវ ដោយសារតែអ្នកស្រីបើតួធ្វើឲ្យមានកំហុសតែបន្តិច គឺមិនងាយផ្ដល់ឱកាសយកមកថតទៀតទេ ។ ខ្ញុំរំពឹងយ៉ាងខ្លាំងថា ភាពយន្តថ្មីដែលបានថតឲ្យអ្នកស្រីពាន់ ភួងបុប្ផា នឹងធ្វើឲ្យខ្ញុំទទួលបាននូវការចាប់អារម្មណ៍ ខណៈដែលខ្ញុំក៏មានជំនឿថាស្នាដៃរបស់អ្នកស្រី ឲ្យតែពេលដាក់បញ្ចាំងក៏មានការគាំទ្រខ្ពស់ស្រាប់ទៅហើយ »។
នៅក្នុងឆ្នាំ២០១៨នេះ លោកបញ្ញា សិទ្ធិទទួលសម្តែងភាពយន្តចំនួន៣រឿង ប៉ុន្តែភាពយន្តដែលលោកសម្តែងច្រើនឈុត និងស្ថិតក្នុងប្លង់ លំបាកៗច្រើន គឺរឿងរបស់អ្នកស្រីពាន់ ភួងបុប្ផា ។
តារាចម្រៀង និងសម្តែងលោកបញ្ញា សិទ្ឋិ មុននេះម្តាយឈឺខ្លាំង ដូច្នេះហើយលោកចំណាយទាំងពេលវេលា ចំណាយទាំងប្រាក់ ហើយកាន់តែដឹងថាពិបាកប៉ុនណា ។ ម្ល៉ោះហើយលោកបញ្ញា សិទ្ឋិ មិនចង់ឲ្យអ្នកសិល្បៈជួបការលំបាកដូចលោកឡើយ ៕
ចែករំលែកព័តមាននេះ