រាជធានីភ្នំពេញ ៖ ផ្ទះសំអាងការឃ្វីនអែសធើរត្រូវអគ្គិភ័យមួយឆាបឆេះនៅជាន់ទី៣ បណ្តាលឲ្យខូចខាត់សម្ភារបន្តិចបន្តួចក្នុងបន្ទប់ធ្វើការដូចជា កុំព្យូរទ័១គ្រឿង សាឡុង តុផងដែរ ។ ហេតុការណ៍នេះបង្កការភ្ញាក់ផ្អើលកាលពីវេលាម៉ោង១និង៥០នាទីរសៀលថ្ងៃទី០៣ ខែកក្កដា ឆ្នាំ២០១៨ នៅចំណុចផ្ទះលេខ៤៦ ផ្លូវ១៣៨ ក្រុម២៦ ភូមិ៧ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានបានឲ្យដឹងថា នៅមុនពេលកើតហេតុម្ចាស់ផ្ទះឈ្មោះ ស្រី បូពា៍ ភេទប្រុស អាយុ៥៣ឆ្នាំ នៅផ្ទះកើតហេតុជាមួយកូនៗបើកសំអាងការនៅផ្ទះជាន់ក្រោម ចំណែកជាន់ទី៣ ដែរឆេះជាបន្ទប់ធ្វើការរបស់កូនចាក់សោទុកចោល ។
ខណៈនោះសង្ស័យឆ្លងចរន្តអគ្គិសនី ឆាបឆេះឡើងតែម្ដង ហើយបង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅក្បែរនោះបាននាំគ្នាយកបំពង់ពន្លត់អគ្គិភ័យជួយបាញ់ពន្លត់តែមិនរលត់ ។ នៅក្នុងហេតុការណ៍នោះរថយន្តពន្លត់អគ្គិភ័យចំនួន៤គ្រឿងចេញជួយអន្តរាគមន៍បាញ់ពន្លត់ទាន់ ។ ករណីអគ្គិភ័យនេះមិនបង្កឲ្យមានមនុស្សរងរបួស និងរាលដាលដល់ផ្ទះផ្សេងទៀតឡើយ ។
តាមនគរបាលបានឲ្យដឹងថា សម្ភារ និងរបស់របរក្នុងបន្ទប់ត្រូវភ្លើងឆេះរងការខូចខាតផងដែរ ។ សូមបញ្ជាក់ផងដែរ ខណៈអគ្គិភ័យកំពុងឆាបឆេះមេឃក៏ភ្លៀងខ្លាំងផងដែរ អាជ្ញាធរជំនាញ បានជួយអន្តរាគមន៍បាញ់ពន្លត់ទាំងភ្លៀងរលត់ជាស្ថាពរ ៕
ចែករំលែកព័តមាននេះ