សារព័ត៌មានបរទេសកាលពីពេល ថ្មីៗកន្លងមកផ្សាយថា ក្រុមហ៊ុនស្រាវជ្រាវទីផ្សារ«Gallup» ដ៏ល្បីបានបង្ហាញរបាយការណ៍ថ្មីទាក់ទងនឹងសុវត្ថិភាពរបស់ប្រទេសនានា តាមការយល់ឃើញរបស់ពលរដ្ឋដែលស្នាក់នៅក្នុង១៤២ប្រទេស ឃើញថានៅក្នុងឆ្នាំ២០១៨នេះសិង្ហបុរីជាប្រទេសមានសុវត្ថិភាពបំផុតនៅលើពិភពលោក ក្នុងរយៈពេល៣ឆ្នាំជាប់គ្នា ។ វិធីសាស្ត្រនៃការស្រាវជ្រាវរបស់«Gallup» បានសាកសួរមហាជនតាមប្រទេស…
សារព័ត៌មានបរទេសកាលពីពេល ថ្មីៗកន្លងមកផ្សាយថា ក្រុមហ៊ុនស្រាវជ្រាវទីផ្សារ«Gallup» ដ៏ល្បីបានបង្ហាញរបាយការណ៍ថ្មីទាក់ទងនឹងសុវត្ថិភាពរបស់ប្រទេសនានា តាមការយល់ឃើញរបស់ពលរដ្ឋដែលស្នាក់នៅក្នុង១៤២ប្រទេស ឃើញថានៅក្នុងឆ្នាំ២០១៨នេះសិង្ហបុរីជាប្រទេសមានសុវត្ថិភាពបំផុតនៅលើពិភពលោក ក្នុងរយៈពេល៣ឆ្នាំជាប់គ្នា ។
វិធីសាស្ត្រនៃការស្រាវជ្រាវរបស់«Gallup» បានសាកសួរមហាជនតាមប្រទេស នីមួយៗចំនួន៣សំនួរ រួមមាន ទុកចិត្តប៉ូលិសនៅក្នុងស្រុកឬអត់ ? មានសុវត្ថិភាព ឬអត់ ? ធ្លាប់មានការធ្វើបាប ឬឆក់កាបូប ឬអត់ក្នុងអំឡុងពេលមួយឆ្នាំនេះ ។ «Gallup» រកឃើញថាក្នុងឆ្នាំ២០១៧ និង២០១៨សិង្ហបុរិមានពិន្ទុ៩៧ ពី១០០ កើនខ្ពស់ពីឆ្នាំ២០១៦មានចំនួន៩៣ពិន្ទុ ។ ស្របពេលជាមួយគ្នានេះនៅទ្វីបអាស៊ី មានតែ២ប្រទេស និងដែនដីមួយប៉ុណ្ណោះស្ថិតនៅក្នុង១០ចំណាត់ថ្នាក់ដំបូង គឺហុងកុង និងឥណ្ឌូណេសុីទទួលបាន៩១ និង៨៩ពិន្ទុតាមលំដាប់ ។
ប្រទេសមានសុវត្ថិភាពបំផុតនៅលើពិភពលោកស្ថិតក្នុងចំណាត់ថ្នាក់ទាំង១០ប្រចាំឆ្នាំ២០១៨ រួមមាន១-សិង្ហបុរី ២-ន័រវ៉េស ៣-អ៊ីស្លង់ ៤-ហ្វាំងឡង់ ៥-អ៊ូបេគីស្ថាន ៦-ហុងកុង ៧-ស្វ៊ីស ៨-កាណាដា ៩-ឥណ្ឌូណេស៊ី និង១០-ប្រទេសដាណឺម៉ាក ៕
ចែករំលែកព័តមាននេះ