រាជធានីភ្នំពេញ ៖ សម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា ប្រកាស បញ្ជាក់ថា សម្តេចមិនបានផ្តល់សិទ្ធិវិនិយោគបឹងធម្មជាតិដល់ក្រុមហ៊ុនណាមួយនោះទេ ទោះបីជាក្រុមហ៊ុននោះមកពីប្រទេសណាក៏ដោយ ។ ការលើកឡើងរបស់ប្រមុខរាជរដ្ឋាភិបាលកម្ពុជា…
រាជធានីភ្នំពេញ ៖ សម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា ប្រកាស បញ្ជាក់ថា សម្តេចមិនបានផ្តល់សិទ្ធិវិនិយោគបឹងធម្មជាតិដល់ក្រុមហ៊ុនណាមួយនោះទេ ទោះបីជាក្រុមហ៊ុននោះមកពីប្រទេសណាក៏ដោយ ។ ការលើកឡើងរបស់ប្រមុខរាជរដ្ឋាភិបាលកម្ពុជា បន្ទាប់ពីសារព័ត៌មានរស្មីកម្ពុជាបានចុះផ្សាយថា រាជរដ្ឋាភិបាលលនឹងដាក់បឹងយក្សឡោងទៅក្រុមហ៊ុនចិន វិនិយោគរយៈពេល៧៥ឆ្នាំ ។
សម្តេចតេជោបានសរសេលើបណ្តាញសង្គមរបស់សម្តេចផ្ទាល់នៅថ្ងៃទី៣ ខែកក្កដា ឆ្នាំ២០១៨ ថា«ព្រឹកនេះ ខ្ញុំបានមើលសារព័ត៌មានរស្មីកម្ពុជាដែលបានសរសេរថា (រដ្ឋាភិបាលនឹងដាក់បឹងយក្សឡោមទៅឱ្យក្រុមហ៊ុនចិនវិនិយោគរយៈពេល៧៥ឆ្នាំ) ។ តើអ្នកណាបង្កើតរឿងបែបនេះឡើងដើម្បីអ្វី? ។ ក្នុងឋានៈជាប្រមុខរាជរដ្ឋាភិបាល ខ្ញុំសុំទាត់ចោលទាំងស្រុងនូវការវិនិយោគឯកជនណាមួយមកលើបឹងធម្មជាតិដ៏សំខាន់នេះ ទោះក្រុមហ៊ុននោះមកពីប្រទេសណាក៏ដោយ» ។
សម្តេចក៏បានគូសបញ្ជាក់យ៉ាងដូច្នេះថា «យើងមិនឈប់នៅត្រឹមនេះទេ គឺយើងបន្តពួតដៃគ្នាអភិវឌ្ឍន៍កម្ពុជាអោយក្លាយទៅជាប្រទេសមានប្រាក់ចំណូលខ្ពស់ និងកាន់តែរីកចម្រើន ហើយខ្ញុំនឹងនៅរួមសុខរួមទុក្ខជាមួយបងប្អូនជាច្រើនឆ្នាំទៀត ។ យើងដើរទៅមុខទាំងអស់គ្នា ដោយមិនអោយកម្ពុជាវិលទៅរកសង្គ្រាម និងវិនាសកម្មសារជាថ្មីបានឡើយ» ៕
ចែករំលែកព័តមាននេះ