ខេត្តកណ្ដាល ៖ យុវជនម្នាក់ត្រូវបាននគរបាលចាប់ខ្លួនកាលពីថ្ងៃទី២ ខែកក្កដា ឆ្នាំ២០១៨ បន្ទាប់ពីបានឆបោកម៉ូតូមួយគ្រឿងពីអ្នកស្គាល់គ្នាយកទៅដោះដូរគ្រឿងលក់ ហើយត្រូវជនម្នាក់ទៀតឆបោកម៉ូតូបន្តទៀត ។ មន្ត្រីនគរបាលស្រុកល្វាឯមបានឱ្យដឹងថា ជនសង្ស័យដែលបានចាប់ខ្លួនឈ្មោះ…
ខេត្តកណ្ដាល ៖ យុវជនម្នាក់ត្រូវបាននគរបាលចាប់ខ្លួនកាលពីថ្ងៃទី២ ខែកក្កដា ឆ្នាំ២០១៨ បន្ទាប់ពីបានឆបោកម៉ូតូមួយគ្រឿងពីអ្នកស្គាល់គ្នាយកទៅដោះដូរគ្រឿងលក់ ហើយត្រូវជនម្នាក់ទៀតឆបោកម៉ូតូបន្តទៀត ។
មន្ត្រីនគរបាលស្រុកល្វាឯមបានឱ្យដឹងថា ជនសង្ស័យដែលបានចាប់ខ្លួនឈ្មោះ ជា ប្រុសពៅ ភេទប្រុស អាយុ១៧ ឆ្នាំ មុខរបរកម្មករ ទីលំនៅភូមិកោះតូច ឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល ។ ចំណែកជនរងគ្រោះឈ្មោះ លាង វិឆៃ ភេទប្រុស អាយុ២៦ឆ្នាំ មុខរបរកសិករ ទីលំនៅភូមិកោះកែវក្រោម ឃុំកោះកែវ ស្រុកល្វាឯម ខេត្តកណ្តាល ។ សម្ភារបាត់បង់ រួមមាន ម៉ូតូចំនួន១គ្រឿងម៉ាកស៊ុយសូគីឡែត ឡើងស៊េរីឆ្នាំ២០១៨ (មិនទាន់ធ្វើស្លាកលេខ) ពណ៌សលាយលឿង ។
នគរបាលបានឱ្យដឹងបន្ថែមថា មុនពេលកើតហេតុជនសង្ស័យបានមកស៊ឺឈ្នួលស្ទូចផ្ទះនៅភូមិកោះកែវក្រោមរយៈពេលពីរថ្ងៃមកហើយ លុះដល់យប់ថ្ងៃទី២៧ មិថុនា ជនរងគ្រោះ និងជនសង្សយ័ទើបតែស្គាល់គ្នារយៈពេលតែពីរម៉ោងដោយផឹកស្រាជាមួយគ្នានៅផ្ទះឈ្មោះ ផុន សឿន បន្ទាប់មកជនសង្ស័យបានខ្ចីម៉ូតូជនរងគ្រោះដោយប្រាប់ថា ទៅទិញទឹកក្រូច ជនរងគ្រោះក៏បានឲ្យម៉ូតូទៅជនសង្ស័យ ។ ពេលបានម៉ូតូក៏បានជិះម៉ូតូយកទៅបាត់តែម្តង ។
ថ្ងៃទី២ កក្កដា ជនរងគ្រោះបានទួលព័ត៌មានថា ជនសង្សយ័បានចូលផ្ទះនៅភូមិកោះតូច ឃុំកោះឧកញ៉ាតី ស្រុកខ្សាច់កណ្តាល ខេត្ត កណ្តាល ក៏បានទៅដល់ផ្ទះជនសង្ស័យឃើញហើយក៏បានប្តឹងនគរបាលប៉ុស្តិ៍កោះឧកញ៉ាតីហើយបាននាំខ្លួនជនសង្ស័យយកមកប្រគល់ឱ្យ នគរបាលអធិការដ្ឋាននគរបាលស្រុកល្វាឯមបន្តចាត់ការតាមនីតិវិធី ។
តាមការសាកសួរចម្លើយជនសង្ស័យបានសារភាពថា ពិតជាបានយកម៉ូតូរបស់ជនរងគ្រោះពិតប្រាកដមែនដោយយកទៅដោះដូរគ្រឿងបញ្ចាំបានប្រាក់១៥០ដុល្លារ និងប្រាក់៦ម៉ឺនរៀលដើរស៊ីចាយ ។ លុះដល់ថ្ងៃទី២ កក្កដា ត្រូវបានជនម្នាក់ទៀតមិនស្គាល់អត្តសញ្ញាណបានបោកម៉ូតូនេះយកទៅបន្តបាត់ទៀត ។ ជនសង្ស័យត្រូវបាននគរបាលកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ