ប្រទេសថៃ ៖ តាមកាសែតថៃ The Nation ចេញផ្សាយរសៀលថ្ងៃទី២ ខែកក្កដាបានឱ្យដឹងថា ប៉ូលិសនៅខេត្តឈុនបុរី បានឃាត់ខ្លួនស្ត្រីខ្មែរម្នាក់ដែលដោយសារតែការប្រចណ្ឌប្តីជាជនជាតិថៃ ក៏បានធ្វើរឿងនឹកស្មានមិនដល់មួយដោយកាត់ប្រដាប់ភេទប្តីរបស់ខ្លួន ហើយយកទៅលាក់បាត់ ។
តាមកាសែតថៃដដែលផ្សាយឱ្យដឹងទៀតថាស្ត្រីខ្មែរខាងលើឈ្មោះ ការូណា អាយុប្រមាណ២៤ឆ្នាំ បានហៅទូរស័ព្ទសង្គ្រោះបន្ទាន់កាលពីព្រឹកព្រលឹមថ្ងៃទី២ ខែកក្កដា ដើម្បីឱ្យជួយបញ្ជូនប្តីរបស់ខ្លួនឈ្មោះ ស៊ីរីផាន់ សានុសាន អាយុ៤០ឆ្នាំទៅកាន់មន្ទីរពេទ្យ ។ ស្ត្រីរូបនេះបានសារភាពប្រាប់ប៉ូលិសថា ខ្លួនមានការខឹងសម្បាប្តី ដែលលួចមានស្នេហាជាមួយស្រីផ្សេង ក៏បានលួចកាត់លិង្គចោលនៅពេលដែលប្តីកំពុងដេកលក់ ។
ដោយសារតែឃើញការឈឺចាប់ខ្លាំងក្រោយពេលកាត់លិង្គប្តី ទើបនាងទាក់ទងទៅរកការសង្គ្រោះបន្ទាន់ដើម្បីបញ្ជូនប្តីទៅកាន់មន្ទីរពេទ្យ ។
ប៉ូលិសក៏បានស្វែងរកលិង្គដែលស្ត្រីជាប្រពន្ធកាត់នោះ និងបានឃើញនៅក្នុងធុងទឹកកក ហើយក៏បញ្ជូនទៅកាន់មន្ទីរពេទ្យ ។ ប៉ុន្តែជាអកុសលក្រុមគ្រូពេទ្យប្រាប់ថា វាជ្រុលពេលទៅហើយដើម្បីធ្វើការតភ្ជាប់ឱ្យបុរសជាប្តីវិញ ព្រោះតែជាលិកាប្រដាប់ភេទនោះបានងាប់អស់ទៅហើយ មិនអាចវះកាត់តភ្ជាប់ឡើងវិញបានឡើយ ៕
ចែករំលែកព័តមាននេះ