ខេត្តព្រះសីហនុ ៖ សេចក្តីរាយការណ៍ឱ្យដឹងថា កាលពីវេលាម៉ោង១២ថ្ងៃត្រង់ថ្ងៃទី០២ កក្កដា កម្លាំងសមត្ថកិច្ចកិច្ចនគរបាលក្រុងព្រះសីហនុ បានធ្វើការជននជាតិចិន ដែលបង្ខាំងជនជាតិចិនដូចគ្នា ដើម្បីជម្រិតទារប្រាក់ ដោយឃាត់បានជនសង្ស័យចំនួន៥នាក់ ។
សេចក្តីរាយការណ៍បន្តថា ជនសង្ស័យទាំង៥នាក់ ១-ឈ្មោះ Yang Jun ភេទប្រុស អាយុ៣៤ឆ្នាំ ជាអ្នកទេសចរ ២-ឈ្មោះ Hou Jian ភេទប្រុស អាយុ២៩ឆ្នាំ ជាបុគ្គលិកកាស៊ីណូ Golden City ៣-ឈ្មោះ Jiu Fei Bin ភេទប្រុស អាយុ៣៣ឆ្នាំ ជាបុគ្គលិកកាស៊ីណូ New Macau ៤-ឈ្មោះ Wo Luo Yang ភេទប្រុស អាយុ២៤ឆ្នាំ ជាបុគ្គលិកកាស៊ីណូ ជីនប៉ី ៥-ឈ្មោះ Huang Wan Ying ភេទប្រុស អាយុ២៥ឆ្នាំ ជាអ្នកទេសចរ (ជនសង្ស័យ៨នាក់ តែរត់គេខ្លួន៣នាក់) ។ ដោយឡែក សម្ភារដកហូតបានរួមមានខ្នោះដៃ៥គូ,ពិលឆក់២, ទូរស័ព្ទចំនួន៧គ្រឿង ។
ទាក់ទិនករណីបង្ក្រាបក្រុមជនបង្ខាំងមនុស្សជម្រិតប្រាក់នោះ ត្រូវបានលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុថ្លែងថា សមត្ថកិច្ចមូលដ្នានទទួលបានព័ត៌មានថា មានជនជនចិន១ក្រុមពពាក់ពពួនគ្នាចេញចូលផ្ទះជួលមួយកន្លែងស្ថិតនៅក្រុម៣៣ ភូមិ៥ សង្កាត់លេខ៤ ក្រុងព្រះសីហនុ អាចកំណត់បានជាក្រុមមានសមាសភាពមិនល្អ ។
ក្រោយពេលទទួលបានព័ត៌មាននោះ លោក និងមានកម្លាំងការិយាល័យជំនាញ ចុះទៅសហការជាមួយអធិការដ្ឋាននគរបាលក្រុងព្រះសីហនុ និងកម្លាំងប៉ុស្តិ៍រដ្ឋបាលសង្កាត់លេខ៤ ក្រោមការសម្របសម្រួលពីលោកស្រីព្រះរាជអាជ្ញា នៃ អយ្យការអមសាលាដំបូងខេត្ត បានចូលទៅធ្វើការឆែកឆេរផ្ទះជួល១កន្លែងនោះ និងបានឃាត់ខ្លួនជនសង្ស័យទាំងនេះបានតែម្តង ។
ចែករំលែកព័តមាននេះ