គោលធម៌៤យ៉ាងនេះមានសារសំខាន់ណាស់ក្នុងការជួយរាស្ត្រឱ្យបានសុខគឺៈ
១-សស្សមេធៈ មានការឆ្លាតពូកែក្នុងការធ្វើឱ្យសេដ្ឋកិច្ចដើរ ផលិតផលកសិកម្មបានល្អច្រើន ភោគទ្រព្យសម្បូរពោរពាស ។
២-បុរិសមេធៈ មានការឆ្លាត ពូកែក្នុងរឿងរដ្ឋបាលសាធារណៈ មានការរើសមនុស្សល្អឱ្យចូលមកធ្វើការ ពូកែក្នុងការដាក់ការងារឱ្យត្រូវនឹងសមត្ថភាពមនុស្ស លើកស្ទួយមនុស្សល្អឱ្យបាកដជាគំរូក្នុងសង្គម ។
៣-សម្មាបាសៈ មានការឆ្លាតក្នុងការកែបញ្ហាសង្គម ដោយការឧបត្ថម្ភ ឱ្យមានការងារធ្វើមានអាជីវកម្មរកទទួលទាន ផ្តល់ទុនឱ្យខ្ចីទៅប្រកបរបរទាំងខាងកសិកម្ម ពាណិជ្ជកម្ម និងឧស្សាហកម្ម ។
៤-វាជបេយ្យៈ ការមានវាចាពីរោះ វាចាដឹកនាំឱ្យមានសាមគ្គី វាចាមានហេតុផលត្រឹមត្រូវតាមហេតុការណ៍ វាចាដែលដឹកនាំឱ្យមនុស្សខំធ្វើការ ខំធ្វើល្អ ។
គោនយោបាយទាំង៤នេះ បើកាលណាធ្វើបានត្រឹមត្រូវ គ្រប់គ្រាន់ហើយ នឹងហុចជាផលដ៏ធំមហិមា ពេលនោះផ្ទះមិនបាច់ដាក់គន្លឹះក៏បាន ព្រោះស្រុកទេសស្ងប់សុខ ប្រាសចាកចោរ មិនបាច់ភ័យបារម្ភ ដោយហេតុថា ម្នាក់ៗមានស៊ី មានចាយគ្រប់គ្រាន់ គ្មានអ្នកណាលួចអ្នកណាទៀតទេ ។
ចែករំលែកព័តមាននេះ