រាជធានីភ្នំពេញ ៖ បុរស២នាក់មិនដឹងថា ចេញពីផឹកស៊ីនៅកន្លែងណានោះទេ ស្រាប់តែជិះម៉ូតូ២គ្រឿងធ្វើដំណើរតាមផ្លូវសុខៗក៏ស្រាប់តែឈប់ម៉ូតូវ៉ៃគ្នាឡើងផ្អើលពេញផ្លូវ ត្រូវបានសមត្ថកិច្ចឃាត់ខ្លួនយកទៅសាកសួរផងដែរ ។ ហេតុការណ៍នេះដែរបង្កឲ្យមានការភ្ញាក់ផ្អើលឡើង កាលពីវេលាម៉ោង៤និង៣០នាទីទាបភ្លឺថ្ងៃទី០៣ ខែកក្កដា ឆ្នាំ២០១៨ នៅលើផ្លូវ១៦៣ សង្កាត់ អូឡាំពិច ខណ្ឌចំការមន ។
តាមប្រភពព័ត៌មានពីកន្លែងកើតហតុបានឲ្យដឹងថា មុនពេលកើតហេតុគេបានឃើញប្តីប្រពន្ធមួយគូមិនដឹងថា មកពីផឹកស៊ីវិញនៅកន្លែងណានោះទេ គឺបានជិះម៉ូតូToday ពណ៌ក្រហម ធ្វើដំណើរតាមផ្លូវ១៦៣ ក្នុងទិសដៅពីជើងទៅត្បូង ហើយស្របពេលនោះដែរក៏ស្រាប់តែបុរសម្នាក់ទៀតមិនដឹងថា ចេញពីផឹកស៊ីវិញនៅកន្លែងដូចគ្នាឬយ៉ាងណា ហើយបានជិះម៉ូតូប្រភេទ កូនទា ពណ៌សលាយលឿងបានធ្វើដំណើរតាមក្នុងទិសដៅស្របគ្នាតែមិនដឹងថា មានរឿងអ្វីនោះទេ តែឃើញបុរសដែលជិះម៉ូតូឌុបស្ត្រីជាប្រពន្ធបានធាក់ទៅលើបុរសដែលជិះម៉ូតូម្នាក់ឯងមួយជើង ហើយពេលនោះដែរភាគីទាំង២បានឈប់ម៉ូតូ រួចហើយបានធ្វើការបញ្ចេញក្បាច់គុណដាក់គ្នាបង្កឲ្យមានការណ៍ភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ចជួយអន្តរាគមន៍ឃាត់សួរនាំ និងបណ្តាលឲ្យភាគីទាំង២រងរបួសតិចតួច បែកមាត់បន្តិចបន្តួច ។
ប្រភពដដែលបានបន្តទៀតថា បន្ទាប់ពីបង្កហិង្សាដាក់គ្នា សមត្ថកិច្ចបានឲ្យភាគីទាំងសម្រួលគ្នាសុំទោសបញ្ចប់រឿងតែភាគីទាំង២និយាយមិនស្តាប់គ្នាព្រោះតែស្រវឹងក៏ត្រូវសមត្ថកិច្ចឃាត់ខ្លួនបុរសទាំងពីរយកទៅសាកសួរនៅប៉ុស្តិ៍នគរបាលអូឡាំពិចតែម្តង ៕
ចែករំលែកព័តមាននេះ