ពិធីសម្ពោធខ្លោងទ្វារ និងអគារសាលប្រជុំរបស់អធិការដ្ឋាននគរបាលស្រុកព្រៃនប់
- ព្រះសីហនុ
ខេត្តព្រះសីហនុ ៖ នាព្រឹកថ្ងៃទី២ ខែកក្កដា ឆ្នាំ២០១៨ ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ…
ខេត្តព្រះសីហនុ ៖ នាព្រឹកថ្ងៃទី២ ខែកក្កដា ឆ្នាំ២០១៨ ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ…
ខេត្តព្រះសីហនុ ៖ នាព្រឹកថ្ងៃទី២ ខែកក្កដា ឆ្នាំ២០១៨ ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអញ្ជើញជាអធិបតីក្នុងពិធីសម្ពោធខ្លោងទ្វារ និងអគារសាលប្រជុំដែលទើបនឹងសាងសង់ថ្មី របស់អធិការដ្ឋាននគរបាលស្រុកព្រៃនប់។ លោកវរសេនីយ៍ឯក ហ៊ីង ច័ន្ទរិទ្ធ អធិការនគរបាលស្រុកព្រៃនប់ បានឲ្យដឹងថា៖ អគារសាលប្រជុំនេះ មានទំហំ៨,៣០ម៉ែត្រ គុណនឹង១៥ម៉ែត្រ បានដំណើរការសាងសង់ តាំងពីខែមីនា ឆ្នាំ២០១៨ ចំណាយថវិកាអស់ ប្រមាណ២៨.៦៣៥ដុល្លារ (ពីរម៉ឺនប្រាំបីពាន់ប្រាំមួយរយសាមសិបប្រាំដុល្លារ)។
ខ្លោងទ្វារប៉ុស្តិ៍យាម និងរបងចំណាយថវិកាអស់ចំនួន៦៥៦០ដុល្លារ (ប្រាំមួយពាន់ប្រាំរយហុកសិបដុល្លារ) និងអគារនគរបាលព្រហ្មទណ្ឌទំហំ៨,១០ម៉ែត្រ គុណនឹង៨,១០ម៉ែត្រ ចំណាយថវិកាអស់ប្រមាណ១៥.៨០០ដុល្លារ (មួយម៉ឺនប្រាំពាន់ប្រាំបីរយដុល្លារ)។ ថវិកាដែល ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុធ្វើការអំពាវនាវ បានពីការចូលរួមពីសប្បុរសជន និងលោកអធិការរងស្រុកព្រៃនប់ ហួរ យ៉ៃ ក៏បានចូលរួមដែរ។ ជាមួយគ្នានេះ ក៏បានធ្វើពិធីប្រកាសតែងតាំង អធិការរងមួយរូប ទទួលការងារកិច្ចការប៉ុស្តិ៍រដ្ឋបាល និង នាយនគរបាលប៉ុស្តិ៍រដ្ឋបាល ឃុំរាម មួយរូបផងដែរ។
ឯកឧត្តម ឧត្តមសេនីយ៍ទោ ជួន ណារិន្ទ ស្នងការ នគរបាលខេត្ត មានប្រសាសន៍ថ្លែងអំណរគុណដល់កងកម្លាំងនគរបាលទាំងអស់ ដែលបានរួមគ្នាបំពេញការងារបម្រើប្រជាពលរដ្ឋបានល្អ និងបានជំរុញឲ្យនគរបាលប៉ុស្តិ៍រដ្ឋបាលទាំងអស់ រួមគ្នាខិតខំ អនុវត្តគោលនយោបាយភូមិឃុំមានសុវត្ថិភាពឲ្យបានល្អ ជាប់ជាប្រចាំ។ បន្ទាប់មកឯកឧត្តមស្នងការបានធ្វើការបែងចែកសម្ភារប្រើប្រាស់មាន៖ ខែលចំនួន៥០, ដំបងឆក់៤៥ដើម, ដំបងប្រឆាំងបាតុកម្ម៤៥ដើម, ឯកសណ្ឋានប្រយុទ្ធការពារបាតុកម្ម៤៥កំប្លេ, មួកការពារ៤៥មួក, អាវភ្លៀងចំនួន១១៥កំប្លេ, អង្ករចំនួន៦៦បាវ និងស្រាបៀរចំនួន១២១កេស ចែកជូនដល់គ្រប់អធិការដ្ឋាននគរបាលស្រុកទាំងបី មាន ព្រៃនប់ កំពង់សិលា និងស្រុកស្ទឹងហាវ ដើម្បីធ្វើការបែងចែកបន្តដល់គ្រប់ប៉ុស្តិ៍នគរបាលរដ្ឋបាលនានា យកទៅប្រើប្រាស់ផងដែរ៕
ចែករំលែកព័តមាននេះ