ខេត្តក្រចេះ ៖ អ្នកភូមិថ្មគ្រែដែលមានរបរធ្វើនំក្រឡានលក់ជារបរអាជីពប្រចាំគ្រួសារ ចង់ឲ្យផលិតផលនំក្រឡានរបស់ពួកគាត់ទទួលបានសិទ្ធប្រើប្រាស់ម៉ាក់សម្គាល់ផ្តាច់មុខជា ភូមិមួយ ផលិតផលមួយដូចផ្លែក្រូចថ្លុងកោះទ្រង់ដែរស្របពេលដែលសព្វថ្ងៃនេះនំក្រឡានថ្ម គ្រែដែលជាប្រភេទនំដែលចំអិនពីអង្ករដំណើបញាត់ក្នុងបំពង់ឬស្សីនេះកំពុងមានឈ្មោះបោះ សម្លេងល្បីល្បាញថាមានរសជាតិឆ្ងាញ់ តែក៏ត្រូវបានគេលួចផលិតចេញពីតំបន់ផ្សេងខុសរស ជាតិហើយបានប្រើឈ្មោះក្លែងបន្លំ ។
ការលើកឡើងដោយអំពាវនាវពីប្រជាសហគមនំក្រឡានថ្មគ្រែក្នុងស្រុកចិត្របុរីបែបនេះបានធ្វើឡើងបន្ទាប់ពីកសិផលដំណាំផ្លែក្រូចថ្លុងកោះទ្រង់ក្នុងសង្កាត់កោះទ្រង់ក្រុងក្រចេះត្រូវបានក្រសួងពាណិជ្ជកម្មធ្វើការប្រកាសអនុញ្ញាតឲ្យប្រើប្រាស់ជាផ្លូវការនូវម៉ាកសញ្ញា សម្គាល់បញ្ជាក់ ពីមុខទំនិញភូមិមួយផលិតផលមួយ ដោយមិនមានការក្លែងបន្លំ ។
ដោយសារតែភាពល្បីល្បាញលើរសជាតិ និងសោភ័ណភាពនៃបំពង់ឬស្សីញាត់សង្ក័សីដូង ខាងលើដែលបានរៀបចំយ៉ាងទាក់ទាញពីអ្នកផលិត ។ ផលិតផលនំក្រឡានក្រៅពីបាន រៀបចំដាក់លក់តាមរោងតូចធំនៅពេញមាត់ផ្លូវក្នុងភូមិនេះក្នុងនោះមួយចំនួនធំទៀតក៏ត្រូវ បានសហគមចែកចាយលក់ដុំ និងរាយបន្តនៅតាមបណ្តាស្រុកក្រុងផ្សេងៗទៀតក្នុងខេត្ត ពិសេស តាមចំណតរថយន្ត និងតាមទីប្រជុំជនផ្សារជាដើម ។
ពលរដ្ឋរស់នៅក្នុងឃុំថ្មគ្រែស្រុកចិត្របុរីជាច្រើនរយគ្រួសារបានចាប់យករបរផលិតនំ ក្រឡានលក់តាំងពីដើមរៀងមក ។ មួយថ្ងៃៗមាននំក្រឡានរាប់រយគីឡូក្រាមត្រូវបានផលិត ចេញ និងខ្លះត្រូវបាននាំចេញទៅលក់នៅតំបន់ផ្សេងៗ ។ តូបលក់នំក្រឡានតូចធំត្រូវបានពលរដ្ឋក្នុងភូមិដាក់លក់នំក្រឡានយ៉ាងតម្រៀបត្រៀប ត្រានៅខាងមុខផ្ទះរៀងៗស្ថិតនៅលើផ្លូវក្រាលកៅស៊ូតាមជួរមាត់ទន្លេដ៏តូចមួយក្នុងឃុំថ្មគ្រែ ស្រុកចិត្របុរីដែលជាផ្លូវឆ្ពោះត្រង់ទៅកាន់តំបន់រមនីយដ្ឋាននៅប៉ែកខាងលើ ។
មានវ័យ៣៥ឆ្នាំ ស្ត្រីឈ្មោះ ខៀវ ពិសិដ្ឋ រៀបរាប់ថា គ្រួសាររបស់គាត់បានចាប់យករបរ ធ្វើនំនេះលក់មានរយៈពេលជាង១០ឆ្នាំហើយ។ ស្ត្រីជាអ្នកផលិតនំក្រឡានរូបនេះក្នុងចំណោម អ្នកផលិតនំជាង២០០គ្រួសារ នៅក្នុងឃុំថ្មគ្រែ រូបនេះ សម្តែងនូវការព្រួយបារម្ភនៅពេលដែល នំក្រឡាន ត្រូវបានមានការលួចផលិតនៅតំបន់ផ្សេងៗ ហើយប្រើប្រាស់ឈ្មោះនិងត្រា ថា ជា ក្រឡានថ្មគ្រែ តែរស់ជាតិមិនដូចគ្នានោះទេ។
ទន្ទឹម និងការព្រួយបារម្ភពីការប៉ះពាល់ឈ្មោះនំក្រឡានថ្មគ្រែនៅពេលមានការលួច ផលិតពីអ្នកផលិតនៅក្រៅភូមិបែបនេះអ្នកផលិតនំក្រឡាននៅក្នុងភូមិថ្មគ្រែម្នាក់ទៀត ឈ្មោះ ប្លោក សម្ផស្ស អាយុ៣៥ឆ្នាំ ស្ត្រីរូបនេះបានអំពាវនាវឲ្យអាជ្ញាធរជួយផ្តល់សិទ្ធការប្រើប្រាស់ ម៉ាកសញ្ញាសម្គាល់បិទលើនំក្រឡានដូចក្រូចថ្លុងកោះទ្រង់ដែរ ដើម្បីគេចពីការក្លែងបន្លំ ។
កំពុងតែរៀបចំនំក្រឡានលក់ឲ្យភ្ញៀវដែលបានដាក់នៅលើតូបនៅខាងផ្ទះស្ត្រីឈ្មោះ ប្លោក សម្ផស្ស បានរៀបរាប់ឲ្យដឹងនៅថ្ងៃទី០២ កក្កដា នេះទៀតថា ក្នុងរដូវវស្សាការលក់នំមិន សូវដាច់ដូចនៅរដូវប្រាំងនោះទេ ។ ការលក់ដាច់ភាគច្រើននៅរដូវបុណ្យទាន គឺនៅពេលដែល មានភ្ញៀវទេចរណ៍ធ្វើដំណើរឆ្លងកាត់ទៅលេងនៅតំបន់រមនីយដ្ឋាននៅប៉ែកខាងលើ ។ គាត់ថា ក្នុងរដូវនេះ គឺលក់បានតែជាង១៥គីឡូទេក្នុង១ថ្ងៃ ខណៈរដូវប្រាំងលក់បានរហូតដល់ជាង៣០គីឡូក្នុង១ថ្ងៃ ។
ចំណែកឯការផលិត គឺស្ត្រីរូបនេះបានរៀបរាប់ថា មានភាពប្រឈម និងការរកវត្ថុធាតុដើមមកផលិតដូចជា ឬស្សី និងអង្ករដំណើបដែលសុទ្ធល្អ ។ ហើយការចំណាយទន់សម្រាប់ផលិត គឺអស់ច្រើន ស្របពេលដែលផលចំណេញបានមកវិញតិចតួច ។ ស្ត្រីរូបបានកត់សម្គាល់ថា ពលរដ្ឋក្នុងភូមិមានការកែប្រែជីវភាពច្រើនពីមួយឆ្នាំទៅមួយ ឆ្នាំបន្ទាប់ពីពួកគាត់បាននាំគ្នាចាប់របធ្វើនំក្រឡានលក់តៗគ្នា ៕
ចែករំលែកព័តមាននេះ