រាជធានីភ្នំពេញ ៖ បន្ទប់ជួលធ្វើពីថ្មប្រក់ស័ង្កសីចំនួន១០បន្ទប់សង្ស័យផ្ទុះកំប៉ុងហ្គាសត្រូវបានអណ្តាតភ្លើងឆាបឆេះអស់ស្ទើរទាំងស្រុង បង្កការភ្ញាក់ផ្អើលទាំងកណ្តាលរាត្រី កាលពីវេលាម៉ោង១និង៣០នាទីរំលងអធ្រាត្រឈានចូល ថ្ងៃទី២ ខែកក្កដា ឆ្នាំ២០១៨ នៅចំណុចភូមិទួលរការ ក្រុម01…
រាជធានីភ្នំពេញ ៖ បន្ទប់ជួលធ្វើពីថ្មប្រក់ស័ង្កសីចំនួន១០បន្ទប់សង្ស័យផ្ទុះកំប៉ុងហ្គាសត្រូវបានអណ្តាតភ្លើងឆាបឆេះអស់ស្ទើរទាំងស្រុង បង្កការភ្ញាក់ផ្អើលទាំងកណ្តាលរាត្រី កាលពីវេលាម៉ោង១និង៣០នាទីរំលងអធ្រាត្រឈានចូល ថ្ងៃទី២ ខែកក្កដា ឆ្នាំ២០១៨ នៅចំណុចភូមិទួលរការ ក្រុម01 សង្កាត់ចាក់អង្រែក្រោម ខណ្ឌមានជ័យ ។
ប្រភពពីមេភូមិបានប្រាប់អោយដឹងថា ក្នុងហេតុការណ៏នេះអគ្គីភ័យឆាបឆេះផ្ទះប្រជាពលរដ្ធអស់ទាំងស្រុងចំនួន១០ខ្នងជាប្រភេទផ្ទះឈើលើថ្មក្រោមបង្កឡើងដោយសារឆ្លងចរន្តអគ្គីសនី ។ បើតាមសម្តីប្រជាពលរដ្ឋនៅជាប់ផ្ទះកើតហេតុបានប្រាប់ឲ្យដឹងថា មុនមានការភ្ញាក់ផ្អើលគាត់បានលឺសំឡេងផ្ទុះកំប៉ុងហ្គាសនៅផ្ទះប្រជាពលរដ្ឋនោះ ហើយមួយសន្ទុះក្រោយក៏ឃើញមានភ្លើងឆេះចេញមកក៏មានការភ្ញាក់ផ្អើលជួយពន្លត់ដែរ តែដោយសារកម្លាំងទឹកតាមផ្ទះខ្សោយទើបមិនអាចគ្រប់គ្រងស្ថានការណ៍ទាន់ពេលវេលានោះទេ ព្រោះជាផ្ទះឈើទើបបង្កអោយភ្លើងឆេះកាន់តែធំ និងឆ្លងរាលដាលតគ្នាយ៉ាងសន្ធោសន្ធៅធ្វើឲ្យប្រជាពលរដ្ឋនៅទីនោះភ័យស្លន់ស្លោររត់ប្រសាចមិនបានជញ្ជូនទ្រព្យសម្បត្តិមានតម្លៃក្នុងផ្ទះចេញទាន់ពេលវេលានោះទេ បានត្រឹមតែឈរយំសោកបោកខ្លួសម្លឹងមើលផ្ទះរបស់ខ្លួនត្រូវបានអគ្គីកំពុងតែលេបត្របាក់ និងស្រែកដង្ហោយរកអោយគេជួយតែប៉ុណ្ណោះ ។
ភ្លាមៗនោះដែរក៏មានវត្តមានរថយន្តពន្លត់អគ្គីជាច្រើនគ្រឿងមកបាញ់ពន្លត់ដែរតែក្នុងភូមិមានផ្លូវតូចចង្អៀតរថយន្តពិបាកចូលទើបខាងក្រុមសង្គ្រោះពិបាកក្នុងការអន្តរាគមន៏បានទាន់ពេលវេលា ។
អគ្គីភ័យខាងលើនេះមានរថយន្តពន្លត់អគ្គីភ័យមកជួយពន្លត់មានចំនួន២២គ្រឿង តែប្រើប្រាស់រថយន្តពន្លត់អស់ចំនួន១៩គ្រឿងប្រើរយៈពេល១ម៉ោងទើបភ្លើងរលត់ជាស្ថាពរ ។ ហេតុការណ៍នេះមិនមានអ្នកណារងរបួសទេ គ្រាន់តែឆេះបន្ទប់ជួលអស់១០បន្ទប់ស្ទើរទាំងស្រុង ៕
ចែករំលែកព័តមាននេះ