ពួកអ្នកជួយសង្គ្រោះបានធ្វើសមយុទ្ធត្រាប់ ដូចការជម្លៀសពួកក្មេងៗចេញពីរូងភ្នំ ។ ដោយសាររូបភាពបែបនេះហើយ នាំឲ្យអ្នកលេងបណ្ដាញសង្គមមួយចំនួនច្រឡំថា រកពួកគេឃើញ ហើយបានផ្សព្វផ្សាយធ្វើឱ្យមានការភ័ន្តច្រឡំ ដែលនោះជាការត្រៀមទុក សម្រាប់ពេលមានការទាក់ទងជាមួយពួកអ្នកបាត់ខ្លួន ។
ព្រះសង្ឃនៅបន្តសូត្រធម៌ បន់ស្រន់ សូមឲ្យរកពួកគេឃើញនៅរស់រានមានជីវិត ។ អភិបាលខេត្តឈៀងរ៉ៃថ្លែងថា ក្រោយរយៈពេលជាងមួយសប្ដាហ៍ ស្ថិតក្នុងទីងងឹតនៃរូងភ្នំ មនុស្សជាប់ក្នុងនេះ អាចមានបញ្ហាភ្នែកនិងសួត ដូច្នេះការនាំពួកគេចេញពេលតាមរកឃើញ ត្រូវធ្វើដោយប្រុងប្រយ័ត្ន ។
លោកថា នេះជាសមយុទ្ធ សូមកុំមានការភ្ញាក់ផ្អើល ។ យើងសមទុក បើរកឃើញពួកគេត្រូវនាំចេញ ហើយ
បញ្ចូនតាមឧទ្ធម្ភាគចក្រទៅមន្ទីរពេទ្យបែបណា ។ មន្ទីរពេទ្យជាច្រើន ក្នុងតំបន់ចូលរួមក្នុងសមយុទ្ធនេះ ឆ្លៀតពេលភ្លៀងបានរាំង ។
លោកAnmar Mirza អ្នកជំនាញការអាមេរិកម្នាក់នៃប្រតិបត្តិការជួយសង្គ្រោះក្រោមដី និយាយថា
ក្មេងទាំងនេះផឹកទឹកក្នុងរូងភ្នំ ពួកគេអាចធន់បានច្រើនសប្ដាហ៍ដោយគ្មានស្បៀង។ ពួកគេសុទ្ធតែជាកីឡា
ករមានសុខភាពរឹងមាំ អាចស៊ូទ្រាំរស់បានដល់មួយខែ ។ បញ្ហាសំខាន់ស្ថិតនៅត្រង់ថា ពេលណាពួកអ្នកជួយសង្គ្រោះរកឃើញពួកគេ ។
ចែករំលែកព័តមាននេះ