ជំនួបប្រកួតវគ្គ១៦ក្រុមចុងក្រោយរវាងកូឡុំប៊ី និងអង់គ្លេសនាយប់ថ្ងៃអង្គារស្អែកនេះ អាចនឹងគ្មានវត្តមានតារាឆ្នើម Jame Rodriguez បន្ទាប់ពីរូបលោករងរបួសកំភួនជើង អំឡុងពេលលេងតទល់ជាមួយសេណេហ្គាល់ កាលពីថ្ងៃព្រហស្បតិ៍កន្លងទៅ ។ ដោយសារតែបញ្ហារបួសនេះហើយបានធ្វើឱ្យកីឡាករវ័យ២៦ឆ្នាំខាងលើ…
ជំនួបប្រកួតវគ្គ១៦ក្រុមចុងក្រោយរវាងកូឡុំប៊ី និងអង់គ្លេសនាយប់ថ្ងៃអង្គារស្អែកនេះ អាចនឹងគ្មានវត្តមានតារាឆ្នើម Jame Rodriguez បន្ទាប់ពីរូបលោករងរបួសកំភួនជើង អំឡុងពេលលេងតទល់ជាមួយសេណេហ្គាល់ កាលពីថ្ងៃព្រហស្បតិ៍កន្លងទៅ ។
ដោយសារតែបញ្ហារបួសនេះហើយបានធ្វើឱ្យកីឡាករវ័យ២៦ឆ្នាំខាងលើ ខកខានចូលរួមហ្វឹកហាត់ជាមួយមិត្តរួមក្រុមកាលពីថ្ងៃសៅរ៍ខណៈលទ្ធផលស្កែនបញ្ជាក់ថា Rodriguez ពុំមានរបួសធ្ងន់ធ្ងរនោះទេ ។ ជាមួយគ្នានេះដែរ សហព័ន្ធកីឡាបាល់ទាត់កូឡុំប៊ីក៏បានបញ្ជាក់ផងដែរកាលពីថ្ងៃអាទិត្យម្សិលមិញថា ខ្សែបម្រើប្រយុទ្ធ Rodriguezមិនមានរងរបួសកំភួនជើងអ្វីឡើយ ។
ទោះជាយ៉ាងណា ព័ត៌មានលម្អិតទាក់ទងនឹងវត្តមាន Rodriguez នាយប់ស្អែកនេះ នៅតែជាក្តីបារម្ភសម្រាប់កូឡុំប៊ីដដែល ដ្បិតថា ពួកគេត្រូវប្រឈមជាមួយសត្រូវធំ គឺក្រុមតោកំណាចអង់គ្លេស ។
គួររំលឹកថា រដូវកាល២០១៤កូឡុំប៊ីឡើងដល់វគ្គ៨ក្រុម ហើយ Rodriguez ក៏ជាកីឡាកររកគ្រាប់បាល់បានច្រើនជាងគេផងដែរនាគ្រានោះ ពោលគឺ៦គ្រាប់ឈរលើកីឡាករអាល្លឺម៉ង់ Thomas Muller ដែលស៊ុតបានតែ៥គ្រាប់ ៕
ចែករំលែកព័តមាននេះ