មានរបស់របរច្រើនណាស់ ដែលយើងប្រើប្រាស់នៅក្នុងផ្ទះបាយរបស់យើងជារៀងរាល់ថ្ងៃ ។ របស់ទាំងនោះគឺសាមញ្ញណាស់ ហាក់ដូចជាគ្មានគ្រោះថ្នាក់អ្វីឡើយ ហើយយើងមិនដែលគិតអំពីគ្រោះថ្នាក់ដែលពួកវាអាចធ្វើបាននោះទេ ។ ១-ប្រអប់ ឬថង់ម្ហូបអាហារធ្វើពីប្លាស្ទិក ៈ…
មានរបស់របរច្រើនណាស់ ដែលយើងប្រើប្រាស់នៅក្នុងផ្ទះបាយរបស់យើងជារៀងរាល់ថ្ងៃ ។ របស់ទាំងនោះគឺសាមញ្ញណាស់ ហាក់ដូចជាគ្មានគ្រោះថ្នាក់អ្វីឡើយ ហើយយើងមិនដែលគិតអំពីគ្រោះថ្នាក់ដែលពួកវាអាចធ្វើបាននោះទេ ។
១-ប្រអប់ ឬថង់ម្ហូបអាហារធ្វើពីប្លាស្ទិក ៈ ដើម្បីធ្វើឲ្យប្លាស្ទិកអាចបត់បែនបាន អ្នកផលិតខ្លះបានបន្ថែមសារធាតុគីមីពិសេស ដែលអាចបង្កឲ្យមានបញ្ហាសុខភាពធ្ងន់ ។ យើងប្រាកដណាស់ថា អ្នកមិនចង់ឲក្យសារធាតុគីមីទាំងនេះនៅក្នុងអាហាររបស់អ្នក ឬនៅក្នុងខ្លួនអ្នកឡើយ ។
២-ធុង ឬកន្លែងលាងចានផ្ទះបាយ ៈប្រសិនបើភាគល្អិតម្ហូបអាហារពីចានរបស់អ្នកស្ថិតនៅក្នុងនោះយូរ វានឹងចាប់ផ្តើមបង្កើតតំបន់បង្កកំណើតសម្រាប់បាក់តេរី និងមេរោគ។ កន្លែងលាងចានក្នុងផ្ទះបាយរបស់អ្នកអាចជាកន្លែងកខ្វក់ពិតប្រាកដ ដែលអ្នកមិនធ្លាប់បានដឹង ។
៣-កាំបិត ៈ កាំបិតរបស់អ្នកគួរតែនៅមុតល្អជានិច្ច ។ ប្រសិនបើពួកវាមិនមានភាពមុតមាំទេ នោះវាអាចនឹងរអិល ឬបង្កគ្រោះថ្នាក់ចំពោះអ្នក នៅពេលអ្នកព្យាយាមកាត់អ្វីមួយដោយ ខ្លាំងៗពេក ។
៤-អេប៉ុងលាងសម្អាត ៈ អេប៉ុងផ្ទះបាយ ជាកន្លែងលូតលាស់របស់បាក់តេរីយ៉ាងឆាប់រហ័ស ។ ការលាងសម្អាតធម្មតាជួនកាលមិនអាចសម្លាប់បាក់តេរីទាំងនោះអស់ឡើយ ។ យកល្អអ្នកគួរឧស្សាហ៍ត្រាំក្នុងទឹកអំបិល ។
៥-កន្សែងជូតដៃ ៈ កន្សែងនៅផ្ទះបាយ គឺជារបស់មួយដែលធ្វើឲ្យកខ្វក់បំផុតនៅក្នុងផ្ទះបាយរបស់អ្នក ។ អ្នកប៉ះពួកវាគ្រប់ពេល សូម្បីតែមុនពេលលាងដៃ ហើយបន្ទាប់មកចម្អិនអាហារម្តងទៀត ។ នោះជាវិធីមួយសម្រាប់បាក់តេរី ដើម្បីចូលទៅក្នុងអាហាររបស់អ្នក ៕
ស្រង់ពីគេហទំព័រសុខភាព
ចែករំលែកព័តមាននេះ