សូមឲ្យសមាជិកម្នាក់ប្រែក្លាយទៅជា សន្លឹកឆ្នោតមួយសន្លឹកនៅពេលបោះឆ្នោត
- ភ្នំពេញ
រាជធានីភ្នំពេញ ៖ លោក ឃួង ស្រេង សមាជិកគណៈកម្មាធិការកណ្តាល និងជាអនុប្រធាន គណៈកម្មាធិការកណ្តាល គណបក្ស ប្រជាជនកម្ពុជា…
រាជធានីភ្នំពេញ ៖ លោក ឃួង ស្រេង សមាជិកគណៈកម្មាធិការកណ្តាល និងជាអនុប្រធាន គណៈកម្មាធិការកណ្តាល គណបក្ស ប្រជាជនកម្ពុជា បានសុំឲ្យសមាជិក គណបក្ស ប្រជាជនកម្ពុជា ម្នាក់ ប្រែក្លាយទៅជាសន្លឹកឆ្នោតមួយសន្លឹកនៅពេលបោះឆ្នោត នៅថ្ងៃទី២៩ កក្កដា ២០១៨ខាងមុខនេះ ។ ការស្នើសុំរបស់លោក ឃួង ស្រេង បែបនេះបានធ្វើឡើងកាលពីរសៀលថ្ងៃអាទិត្យទី១ ខែកក្កដា ក្នុងពិធីសំណេះសំណាល ជាមួយសមាជិក សមាជិកា គណបក្ស ប្រជាជនកម្ពុជា ចូលថ្មីចំនួន២.៦១១នាក់ នៅភោជនីយដ្ឋានពិភពថ្មី ស្ថិតក្នុងសង្កាត់វត្តភ្នំ ខណ្ឌដូនពេញ។
លោក ឃួង ស្រេង បានមានប្រសាសន៍ថា សមាជិកថ្មីមកពីអតីតសមាជិក គណបក្សសង្គ្រោះជាតិ ចំនួន៥១នាក់ បានចូលមករួមរស់ជាមួយគណបក្សប្រជាជនកម្ពុជា ក្នុងចំណោមសមាជិកថ្មីចំនួន២.៦១១នាក់ នៅខណ្ឌ ដូនពេញ។ លោកមានប្រសាសន៍បន្តថា គណបក្សប្រជាជនកម្ពុជា គឺជាគណបក្សស្នូល ក្នុងការដឹនាំប្រទេស ប្រកបដោយការអភិវឌ្ឍរីកចម្រើនគ្រប់វិស័យ។ គណបក្សបានកសាងស្នាដៃធំៗ ជាច្រើនជូនជាតិមាតុភូមិ ក្រោមការដឹកនាំរបស់រាជរដ្ឋាភិបាល មានការអភិវឌ្ឍរីកចម្រើនគ្រប់វិស័យ។ លោក ឃួង ស្រេង បញ្ជាក់ទៀតថា កម្ពុជាទទួលបានសន្តិភាពពេញលេញ នៅឆ្នាំ១៩៩៨ ធ្វើឲ្យប្រទេសជាតិមានការអភិវឌ្ឍ រីកចម្រើន មានសន្តិភាព និងបានបង្កើតនូវសមិទ្ធផលជាច្រើនទៀត។
ទាំងនេះជាសមិទ្ធផលរបស់សម្តេចអគ្គមហាសេនាបតីតេជោ ហ៊ុន សែន ដោយសម្តេច ជាស្ថាបនិកសន្តិភាព និងការអភិវឌ្ឍ ដែលយើងត្រូវការពារវីរជននេះ ដើម្បីបន្តការដឹកនាំប្រទេស ឲ្យមានការរីកចម្រើនបន្តទៀត។ លោកបន្តថា សម្តេចតេជោ បានចុះជួបកម្មករ កម្មការិនី នៅតាមបណ្តារោងចក្រ សហគ្រាស តាមរាជធានីខេត្ត និងបានដោះស្រាយពីទុក្ខកង្វល់របស់កម្មករ កម្មការិនី។ យើងជាសមាជិកគណបក្សប្រជាជនកម្ពុជា ត្រូវបន្តបោះឆ្នោតគាំទ្រគណបក្សប្រជាជនកម្ពុជា នៅថ្ងៃទី២៩ ខែកក្កដា ឲ្យបានគ្រប់ៗគ្នា។ សមិទ្ធផលកើតចេញពីរាជរដ្ឋាភិបាល និងការចូលរួមពីសមាជិកគណបក្ស និងប្រជាពលរដ្ឋទូទាំងប្រទេស។
ជាមួយគ្នានោះដែរលោក ឃួង ស្រេង សមាជិកគណៈកម្មាធិការកណ្តាល និងជាអនុប្រធាន គណៈកម្មាធិការកណ្តាល គណបក្សរាជធានីភ្នំពេញ បានអំពាវនាវដល់ប្រជាពលរដ្ឋ ត្រៀមឯកសារដូចជាអត្តសញ្ញាណប័ណ្ណ បណ្ណ័ព័ត៌មាន ការិយាល័យបោះឆ្នោត ទៅបោះឆ្នោតគាំទ្រគណបក្សប្រជាជនកម្ពុជា បន្តគាំទ្រសម្តេចអគ្គមហាសេនាបតីតេជោ ហ៊ុន សែន ធ្វើជានាយករដ្ឋមន្ត្រី ដឹកនាំប្រទេស មានការអភិវឌ្ឍកាន់តែរីកចម្រើន និងប្រែក្លាយសមាជិកគណបក្សប្រជាជនកម្ពុជាម្នាក់ សន្លឹកឆ្នោត១សន្លឹក។
លោក ហែម អាន ប្រធានគណកម្មការគណបក្សប្រជាជនកម្ពុជា ខណ្ឌដូនពេញ មានប្រសាសន៍ឲ្យដឹងថា ខណ្ឌដូនពេញមាន១១សង្កាត់ និងមានសាខាបក្ស១៥ សមាជិកបក្សថ្មី មានចំនួន២.៦១១នាក់ យុវជន៩២៧នាក់។ បានធ្វើសៀវភៅគ្រួសារបក្សជាង៧.០០០គ្រួសារ ស្មើ ៦៩,៣៥%។ សកម្មជនសង្កេត៣.០០០នាក់ ស្មើ១៨មណ្ឌល ស្មើ១៥០ការិយាល័យ ផ្តល់ប័ណ្ណព័ត៌មានបោះឆ្នោត ដល់ប្រជាជន ដែលនឹងបញ្ចប់ការចែកបណ្ណព័ត៌មានបោះឆ្នោត នៅថ្ងៃទី៥ ខែកក្កដា និងបានត្រៀម ហែរគណបក្សពេលយុទ្ធនាការ ឃោសនាចំនួន៤លើក ២១ថ្ងៃ ពីថ្ងៃទី៧-២៧ ខែកក្កដា ឆ្នាំ២០១៨៕
ចែករំលែកព័តមាននេះ