រាជធានីភ្នំពេញ ៖ ទាក់ទិននឹងបញ្ហាប្រេងឥន្ធន: សម្តេចតេជោហ៊ុន សែន បានរំលឹកទៅដល់ក្រុមហ៊ុននានា និងក្រសួងពាណិជ្ជកម្ម ក៏ដូចជាផ្នែកពាក់ព័ន្ធទាំងអស់សូមកុំភ្លេចថា ថ្ងៃនេះ (ថ្ងៃទី២៩…
រាជធានីភ្នំពេញ ៖ ទាក់ទិននឹងបញ្ហាប្រេងឥន្ធន: សម្តេចតេជោហ៊ុន សែន បានរំលឹកទៅដល់ក្រុមហ៊ុននានា និងក្រសួងពាណិជ្ជកម្ម ក៏ដូចជាផ្នែកពាក់ព័ន្ធទាំងអស់សូមកុំភ្លេចថា ថ្ងៃនេះ (ថ្ងៃទី២៩ មិថុនា) ហើយ នៅថ្ងៃទី១ ខែកក្កដា ឆ្នាំ២០១៨ គឺជាថ្ងៃដែលប្រេងទាំងអស់នៅតាមស្ថានីយចាក់ប្រេងត្រូវចុះ១៦០រៀល ។ ឧទាហរណ៍លក់ថ្ងៃហ្នឹង៤ពាន់រៀលក្នុង១លីត្រ ដល់ថ្ងៃទី១ ខែកក្កដា ឆ្នាំ២០១៨ត្រូវលក់៣.៨៤០រៀល ។ នេះជាការគិតគូររបស់រាជរដ្ឋាភិបាលដែលត្រូវសហការជាមួយវិស័យឯកជន ។
ខាងរាជរដ្ឋាភិបាលត្រូវបង់ថ្លៃក្នុងរង្វង់៣០លានដុល្លារ គឺដើម្បីទម្លាក់ថ្លៃប្រេងក្នុងមួយលីត្រ២សេនដុល្លារស្មើនឹង៨០រៀល ឯវិស័យឯកជនត្រូវចុះតម្លៃ២សេនដូចគ្នាគឺ៨០រៀល ខាងវិស័យឯកជន និង៨០រៀលខាងវិស័យរដ្ឋ ដើម្បីផ្តល់នូវផលប្រយោជន៍សម្រាប់ប្រជាពលរដ្ឋដែលប្រើប្រាស់ប្រេងឥន្ធន: ។ ប្រេងគ្រប់ប្រភេទទាំងអស់ត្រូវចុះ១៦០រៀល ដូច្នេះត្រូវអនុវត្តគ្រប់ៗគ្នា ។ក្រសួងពាណិជ្ជកម្មត្រូវតាមមើលឲ្យបានហ្មត់ចត់ អាជ្ញាធរដែនដីទាំងអស់ដែលមានស្ថានីយប្រេងនៅគ្រប់ទីកន្លែងត្រូវមើលទាំងអស់ ដើម្បីចៀសវាងនូវការខាតបង់ណាមួយដែលរដ្ឋរួមនឹងវិស័យឯកជនផ្តល់ជូនប្រជាពលរដ្ឋ ក៏ប៉ុន្តែបែរជាមិនបានផ្តល់ត្រឡប់មកវិញ ។នេះជាចំណុចបង្ហាញឲ្យឃើញការខិតខំរបស់រាជរដ្ឋាភិបាលសម្តៅកាត់បន្ថយនូវការលំបាករបស់ប្រជាពលរដ្ឋ ។
សម្តេចតេជោហ៊ុន សែន មានប្រសាសន៍បន្តថា ឥឡូវនេះទោះបីថាប្រាក់ចំណូលរបស់កម្មករ កម្មការិនី មន្ត្រីរាជការ កងកម្លាំងប្រដាប់អាវុធក៏ដូចជាប្រជាលរដ្ឋរបស់យើងមានប្រាក់ចំណូលច្រើនជាងមុន ក៏ប៉ុន្តែយើងក៏ត្រូវរកវិធីកាត់បន្ថយប្រាក់ចំណាយទាំងឡាយរបស់ប្រជាពលរដ្ឋរបស់យើង តាមរយ:ការលើក លែងមួយចំនួនកាត់បន្ថយពន្ធដារមួយចំនួន ដើម្បីដោះស្រាយជូនប្រជាពលរដ្ឋរបស់យើង ។
យើងកំពុងសិក្សាអាចនឹងមានបញ្ហា ថ្មីៗសូមរង់ចាំទៅដល់ថ្ងៃទី៧ កក្កដា ខាងមុខនេះនៅសល់៨ថ្ងៃទៀត «ខ្ញុំនឹងប្រកាសចេញនូវគោលនយោបាយមួយចំនួនដែលនឹងផ្តល់ផលប្រយោជន៍ជូនប្រជាពលរដ្ឋរបស់យើងកាន់តែច្រើននៅថ្ងៃចាប់ផ្តើមយុទ្ធនាការការឃោសនាបោះឆ្នោត» ដែលពេលនេះកំពុងបន្តការសិក្សាជាក់លាក់ តើយើងត្រូវទៅដល់ទីណា។ មួយចំនួនបានសិក្សារួចរាល់ហើយ មួយចំនួនទៀតកំពុងសិក្សាលម្អិតបន្ថែមទៀតដែលយើងគួរដោះស្រាយបន្ថែមទៀតសម្រាប់ប្រជាពលរដ្ឋរបស់យើង ។
ទាក់ទិននឹងបញ្ហាភ្លៀងលិចរាជធានីប៉ុន្មានថ្ងៃនេះ សម្តេចតេជោហ៊ុន សែន បានមានប្រសាសន៍ថា ខ្ញុំសូមការអធ្យាស្រ័យ និងយោគយល់អំពីស្ថានការណ៍ពិតប្រាកដរបស់យើងដែលទី ក្រុងភ្នំពេញមានការលិចលង់វាគ្មានអ្វីចម្លែកទេ ។ ប្រសិនបើយើងយល់ពីវិធានការពិតនៃទីក្រុងភ្នំពេញ ។ ខ្ញុំនិយាយយ៉ាងដូច្នេះមិនមែនការពារអភិបាលក្រុងទាំងប៉ុន្មានជំនាន់មកហើយទេ ។
ខ្ញុំចូលមកដល់រាជធានីភ្នំពេញតាំងពីធ្វើរដ្ឋមន្ត្រីការបរទេស ធ្វើនាយករដ្ឋមន្ត្រីឆ្លងកាត់អភិបាលរាជធានីភ្នំពេញ១០នាក់ហើយ ។ ដំបូងយើងត្រូវមានការយល់គ្នា ហេតុអ្វីបានជាមានទឹកជំនន់ ។ កុំថាឡើយក្នុងក្រុងភ្នំពេញ ជំនន់ទន្លេមេគង្គ ។ ហេតុអីបានជាមានទឹកជំនន់ ។ សូម្បីតែទន្លេក៏មិនអាចរំដោះទឹកទាំងអស់ដែរ ដោយសារទន្លេហ្នឹងវាតូច ទឹកមកពីលើវាធំជាងនៅខាងក្រោម ដូច្នេះហើយបានជាជំនន់នោះ ។
រឿងនេះវាបានកើតតាំងពីស្រុកចិន មកភូមា មកដល់ឡាវ ធ្លាក់ដល់ថៃ ធ្លាក់មកដល់យើងធ្លាក់ទៅដល់វៀតណាម ។ ទឹកជំនន់វាបណ្តាលពីផ្នែកទ្រទ្រង់រំដោះផ្នែកខាងក្រោមនេះវាមិនគ្រប់គ្រាន់ទ្រទ្រង់រវាងទឹកលិច ធ្លាក់ពីខាងលើមកខាងក្រោម ។
ប្រទេសនានាមិនមែនតែកម្ពុជាទេ បើទីក្រុងបាងកកវិញកាលជំនាន់លោកស្រីយីង ឡាក់ ធ្វើនាយករដ្ឋមន្ត្រីលិចក្រុងបាងកករាប់ខែឯណោះ ។ ក្រុងប៉ារីសក៏ធ្លាប់លិច ក្រុងរ៉ូមក៏ធ្លាប់លិចប្រទេសនានាក៏ធ្លាប់លិច ព្រោះមូលហេតុងាយយល់ទេ ។ លូគេធំហើយ ក៏ប៉ុន្តែលូនោះវាមិនគ្រប់គ្រាន ់វាមិនធន់ល្មមជាមួយនឹងការធ្លាក់ពីខាងលើខ្លាំងពេក ។
សម្តេចតេជោនាយករដ្ឋមន្ត្រីបញ្ជាក់ថា យើងប្រឹងធ្វើណាស់ យើងធ្វើខ្លួនឯងផង ជប៉ុនជួយធ្វើផងបានប៉ុណ្ណឹង ។ បើនិយាយពីអតីតកាលផ្លូវកម្ពុជាក្រោមនេះ ឬផ្លូវ៣០ម៉ែត្រហ្នឹងពីដើមម្តុំប្រេស៊ីដង ់ពីដើមកន្លែងហ្នឹងគេដាក់ស្ពានដើរទេ សងខាងផ្លូវទឹកលិចតែទាំងអស់ ។ភ្នំពេញម្តុំរោងកុនភ្នំពេជ្រពីដើមចង់ទៅមើលកុនពេលភ្លៀងលុយទឹក ៕
ចែករំលែកព័តមាននេះ