រាជធានីភ្នំពេញ ៖ តារាស្រីនិយមយកសម្រស់ដើមទ្រូងទាក់ទាញការចាប់អារម្មណ៍ពីមហាជន ។ ជាក់ស្តែងតារាមួយចំនួនជាប់ឈ្មោះជាតារាស្រីសិចស៊ីរំលេចដោយដើមទ្រូងស្រស់ស្អាត ។ ទោះជាយ៉ាងណាក្តីសម្រស់ធម្មជាតិជាអ្វីដែលតារាមួយចំនួនពេញចិត្ត ឬអ្នកខ្លះចង់កែបន្តិចបន្តួចដែរ តែខ្លាចមុខកាំបិតវះកាត់ ។…
រាជធានីភ្នំពេញ ៖ តារាស្រីនិយមយកសម្រស់ដើមទ្រូងទាក់ទាញការចាប់អារម្មណ៍ពីមហាជន ។ ជាក់ស្តែងតារាមួយចំនួនជាប់ឈ្មោះជាតារាស្រីសិចស៊ីរំលេចដោយដើមទ្រូងស្រស់ស្អាត ។ ទោះជាយ៉ាងណាក្តីសម្រស់ធម្មជាតិជាអ្វីដែលតារាមួយចំនួនពេញចិត្ត ឬអ្នកខ្លះចង់កែបន្តិចបន្តួចដែរ តែខ្លាចមុខកាំបិតវះកាត់ ។
កាលពីពេល ថ្មីៗកន្លងមកកញ្ញា ទឹម រដ្ឋា លើកឡើងថាសម្រាប់រូបនាងផ្ទាល់ដូចជាមិនហ៊ានវះកាត់បន្ថែមសម្រស់ដើមទ្រូងឲ្យលើសពីនេះទេព្រោះខ្លាចមានផលប៉ះពាល់ ។ មានអ្នកប្រាប់ឲ្យកែ តែនាងថាទាល់តែគិតឲ្យបានច្បាស់ បើទោះជាមានការលើកឡើងថាការកែដើមទ្រូងឲ្យធំតឹងណែនជាការពេញនិយមក្តី។ «ពេញនិយមគឺពេញនិយមហើយក្រោមការកែពីពេទ្យជំនាញ តែអារម្មណ៍នៅតែមិនដាច់ចិត្ត ។ ខ្ញុំសូមស្នើឲ្យ បងៗស្ត្រីគួរតែប្រឹក្សាជាមួយពេទ្យឯកទេសពេលវះកាត់ ដើម្បីកុំឲ្យខកបំណងក្រោយពេលជ្រើសរើសពេទ្យខុស »។
ចំណែកតារាភាពយន្តកញ្ញា ឌុច លីដា ឲ្យដឹងថា សម្រាប់នាងមិនត្រូវការកែខៃអ្វីទេ ព្រោះនេះជាធម្មជាតិរបស់នាង មានតែការថែទាំឲ្យល្អជាការស្រេច ។ លីដា និយាយថា«ការវះកាត់កែដើមទ្រូងគឺជាការចង់បានសម្រស់បន្ថែមទៀតរបស់ស្ត្រីទាំងឡាយដែលមានសភាពតូច ហើយគួរតែសម្រេចរកវេជ្ជបណ្ឌិតឯកទេសណាដែលមានជំនាញច្បាស់លាស់អាចជឿទុកចិត្តបានចៀសវាងច្នៃទៅហើយមានការភ័យខ្លាច និងមិនខ្វះទេពេទ្យជំនាញដែលយើងស្វែងរកសូម្បីតែក្នុងប្រទេសក៏មាន »។
កញ្ញាតូតា វិញបានបង្ហាញជំហរថា«សម្រាប់នាងខ្ញុំដូចជាពេញចិត្តអ្វីដែលធម្មជាតិបង្កើតមក ដោយមិនត្រូវការពង្រីកអ្វីបន្ថែមទេ ។ នាងខ្ញុំសុខចិត្តសម្រេចលើការថែទាំឲ្យបានស្អាតតាមក្បួនពេទ្យ នោះជាការស្រេច ។ ដ្បិតតែស្គាល់ពេទ្យ ល្អៗ តែខ្ញុំមិនប្រាកដថាយកកាំបិតវិទ្យាសាស្ត្រមកកែទេ »។
លោក រ៉ាប៊ីត អ្នកគ្រប់គ្រងប្រចាំហាងកែសម្រស់របស់អ្នកនាងសារ៉ាយ សក្ខណា និយាយថា«ស្ត្រីយើងសព្វថ្ងៃស្រឡាញ់ណាស់ការរៀបចំខ្លួន ធ្វើបែបណាឲ្យស្អាតរហូតមានអ្នកខ្លះកែច្នៃលើផ្ទៃមុខ លើដងខ្លួន ដើមទ្រូងជាដើម ។» ៕
ចែករំលែកព័តមាននេះ