រាជធានីភ្នំពេញ ៖ បុរសម្នាក់ ដែលបានជិះកង់មកលោតទឹកនៅលើស្ពានជ្រោយចង្វារកាលពី ព្រឹកថ្ងៃទី២៥ ខែមិថុនា កន្លងមក ត្រូវបានក្រុមគ្រួសារសាច់ញាតិជួលជនជាតិឥស្លាមរកឃើញហើយ។ ការាវរកសពប្រទះឃើញកាលពីវេលាម៉ោង៥ និង៣០នាទីល្ងាច…
រាជធានីភ្នំពេញ ៖ បុរសម្នាក់ ដែលបានជិះកង់មកលោតទឹកនៅលើស្ពានជ្រោយចង្វារកាលពី ព្រឹកថ្ងៃទី២៥ ខែមិថុនា កន្លងមក ត្រូវបានក្រុមគ្រួសារសាច់ញាតិជួលជនជាតិឥស្លាមរកឃើញហើយ។ ការាវរកសពប្រទះឃើញកាលពីវេលាម៉ោង៥ និង៣០នាទីល្ងាច ថ្ងៃទី២៩ ខែមិថុនា ឆ្នាំ២០១៨ នៅចំណុចខាងក្រោមស្ពានជ្រោយចង្វារ ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។ដោយសពបានជាប់នៅក្រោមសសរគ្រឹះស្ពានតែម្តងបានជាមិនអណ្តែតឡើង សពបុរសមានវិបត្តិឈ្មោះ យ៉ង់ ចន្ថា ភេទប្រុស អាយុ២៩ឆ្នាំ មុខរបរជានិស្សិតឆ្នាំទី៣ មានទីលំនៅក្នុងសង្កាត់បឹងកេងកង៣ ខណ្ឌចម្ការមន រាជធានីភ្នំពេញ។
គួរបញ្ជាក់ថា កាលពីព្រឹកថ្ងៃទី២៥ ខែមិថុនា ឆ្នាំ២០១៨ បុរសរូបនោះបានជិះកង់ មួយគ្រឿងឡើងមកលើស្ពានជ្រោយចង្វារ ដោយជិះក្នុងទិសដៅពីលិចមកកើត ខណៈពេលជិះមកដល់ចំណុចពាក់កណ្តាលស្ពាន ស្រាប់តែបានផ្តួលកង់ចោល ហើយបានដើរឡើង លើបង្កាន់ដៃស្ពានជ្រោយចង្វារ ក៏លោតទឹកបាត់តែម្តង។ ក្រោយពេលកើតហេតុ ក្រុមគ្រួសារសាច់ញាតិរបស់ជនរងគ្រោះបានដើរស្វែងរកជនរងគ្រោះរហូត និងបានដាក់ពាក្យបណ្តឹងនៅ ប៉ុស្តិ៍នគរបាលជ្រោយចង្វារ ដើម្បីឲ្យសមត្ថកិច្ចជួយអន្តរាគមន៍ស្វែងរកជនរងគ្រោះ។
នៅវេលាវេលាម៉ោង ២រសៀល ថ្ងៃទី២៩ ខែមិថុនា ឆ្នាំ២០១៨នេះ ក្រុមគ្រួសារបានជួលអ្នកនេសាទជនជាតិខ្មែរឥស្លាម ដើម្បីជួយស្វែងរកសាកសព និងមុជរាវរក ក៏បានប្រទះឃើញសពនៅជាប់នៅនឹងសរសស្ពានខាងក្រោម។ អ្នកនេសាទបាននាំគ្នាស្រង់សាកសពរបស់ជនរងគ្រោះនោះឡើងមកលើគោក ដើម្បីឲ្យសមត្ថកិច្ចធ្វើការត្រួតពិនិត្យ។ បន្ទាប់ពីសមត្ថកិច្ចជំនាញបានធ្វើការត្រួតពិនិត្យសាកសពរួចមក បានបញ្ជាក់ប្រាប់ថា ជនរងគ្រោះខាងលើពិតជាស្លាប់ដោយសារតែលង់ទឹកពិតប្រាកដមែន រួចប្រគល់សពឲ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណីនៅឯវត្តសន្សំកុសល៕
ចែករំលែកព័តមាននេះ