មនុស្ស៥នាក់ត្រូវសម្លា.ប់ក្នុងការិយាល័យកាសែត
សហរដ្ឋអាមេរិក ៖ បុរសម្នាក់កាលពីថ្ងៃទី២៨ មិថុនា ២០១៨ បានបាញ់ប្រហារក្នុងការិយាល័យកាសែតមួយ នៅទីក្រុងអាណា រដ្ឋធានីនៃរដ្ឋម៉ារីឡែន សហរដ្ឋអាមេរិក ដោយសម្លាប់មនុស្ស៥នាក់។…
សហរដ្ឋអាមេរិក ៖ បុរសម្នាក់កាលពីថ្ងៃទី២៨ មិថុនា ២០១៨ បានបាញ់ប្រហារក្នុងការិយាល័យកាសែតមួយ នៅទីក្រុងអាណា រដ្ឋធានីនៃរដ្ឋម៉ារីឡែន សហរដ្ឋអាមេរិក ដោយសម្លាប់មនុស្ស៥នាក់។…
សហរដ្ឋអាមេរិក ៖ បុរសម្នាក់កាលពីថ្ងៃទី២៨ មិថុនា ២០១៨ បានបាញ់ប្រហារក្នុងការិយាល័យកាសែតមួយ នៅទីក្រុងអាណា រដ្ឋធានីនៃរដ្ឋម៉ារីឡែន សហរដ្ឋអាមេរិក ដោយសម្លាប់មនុស្ស៥នាក់។ នោះជាសោកនាដកម្មមួយក្នុងទីក្រុង តែងមានភាពស្ងប់ស្ងាត់ ដែលគេធ្វើដំណើរប្រើពេលតែ១ម៉ោងពីទីក្រុងវ៉ាស៊ិនតោន តាមរថយន្ត។
លោក BILL KRAMPF អ្នកទទួលខុសត្រូវម្នាក់នៃប៉ូលិសមូលដ្ឋាននិយាយថា ការបាញ់ប្រហារនេះជាការវាយប្រហារ សំដៅប្រឆាំងកាសែត CAPITAL GAZETTE ខណៈកាសែតនោះធ្លាប់ទទួលការគំរាមកំហែងតាមបណ្ដាញសង្គម។ ពួកអ្នកស៊ើបអង្កេតផ្ដោតលើទំនាក់ទំនងកាលពីអតីតកាល រវាងខ្មាន់កាំភ្លើង និងកាសែតនេះ។ ហើយមនុស្ស៤នាក់ស្លាប់នៅនឹងកន្លែង និងអ្នកទី៥ស្លាប់នៅមន្ទីរពេទ្យ ចំណែកមនុស្ស២នាក់រងរបួសស្រាល។
អ្នកនាំពាក្យសេតវិមាន លោកស្រី SARAH SANDERS បានបរិហារតាម TWITTER ថា នោះជាការវាយប្រហារយ៉ាងសាហាវប្រឆាំងអ្នកកាសែតស្លូតត្រង់ ដែលកំពុងធ្វើការ និងជាការវាយប្រហារប្រឆាំងពលរដ្ឋអាមេរិកទាំងមូល។ ចំណែកប្រធានាធិបតីអាមេរិក លោកដូណាល់ ត្រាំ ដែលតែងរិះគន់បណ្ដាសារព័ត៌មាន បានផ្ញើសាររំលែកទុក្ខតាមTWITTER ជូនគ្រួសារជនរងគ្រោះ។
យោងតាមលោក BALTIMORE SUN ម្ចាស់កាសែតនេះចាប់តាំងពីឆ្នាំ២០១៤ មកថា ជនប្រដាប់អាវុធ បានបាញ់ប្រហារក្នុងបន្ទប់ការិយាល័យនិពន្ធ របស់កាសែ CAPITAL នាវេលាម៉ោង១៤និង៤០នាទីម៉ោងក្នុងស្រុក។ បន្ទាប់មកជននេះបានពួនក្រោមតុមួយ មុនពេលប្រគល់ខ្លួនដល់ប៉ូលិស។ ជនវាយប្រហារជាបុរសស្បែកសម្នាក់មានអាយុក្បែរ៤០ឆ្នាំ រូបគេត្រូវបានពួកអ្នកស៊ើបអង្កេតសួរចម្លើយនាយប់ថ្ងៃទី២៨មិថុនា។
កាសែត CAPITALជាសាខាមួយ នៃក្រុមហ៊ុនកាសែត CAPITAL GAZETTE និងជាកាសែតតូចមួយបង្កើតឡើង តាំងពីឆ្នាំ១៧២៧មកម្ល៉េះ។ កាសែតនេះមានអ្នកយកព័ត៌មានតែ៦នាក់ អ្នកថតរូប២នាក់ និងលេខានិពន្ធ៥នាក់។ រីឯទីតាំងកាសែតនេះត្រូវការពារដោយទ្វារដែលបិទជាប្រចាំក្នុងអគារមួយ៕
ចែករំលែកព័តមាននេះ