យោងទៅតាមសារព័ត៌មាន Mail Online បានឲ្យដឹងថា ស្ត្រីនឹងត្រូវបានគេប្រាប់កាន់តែច្រើនអំពីការប្រឈមមុខនៃការពិនិត្យរកជំងឺមហារីកសុដន់ ។ មានស្ត្រីរាប់លាននាក់ ត្រូវបានអញ្ជើញឲ្យពិនិត្យរកជំងឺនេះដោយសារតែមានការព្រមានទៅលើបញ្ហានានាជាមួយនឹងការធ្វើតេស្តនៅពេលដំបូង ។
ដំណឹងនេះធ្វើឡើងក្រោយពីការចុះផ្សាយនៃព័ត៌មានបច្ចុប្បន្នភាពរបស់ NHS ទៅលើការពិនិត្យរកជំងឺមហារីកសុដន់ ហើយវាក៏ត្រូវបានបង្កើតឡើងដោយ NHS Cancer Screening Programmes ផងដែរ ដោយក្នុងនោះមានការបញ្ជាក់កាន់តែក្បោះក្បាលទៅលើអត្ថប្រយោជន៍ និងការប្រឈមមុខនៃការពិនិត្យរកជំងឺមហារីកសុដន់ដែរ ។ ដូច្នេះហើយស្ត្រីនឹងអាចទទួលបានជម្រើសជាច្រើនថាពួកគេគួរតែចូលរួមក្នុងការពិនិត្យរកជំងឺនេះ ឬអត់ ។
ថ្វីបើការពិនិត្យរកជំងឺមហារីកសុដន់ត្រូវបានគេគិតថា អាចសង្គ្រោះជីវិតរបស់មនុស្សប្រហែល ១៣០០នាក់ ពីជំងឺមហារីកសុដន់ក្នុង មួយឆ្នាំៗនៅប្រទេសអង់គ្លេសមែនក៏ដោយ តែឥឡូវនេះព័ត៌មានទៅលើការពិនិត្យរកជំងឺមហារីកសុដន់នេះមានការបញ្ជាក់យ៉ាងច្បាស់ពេកទៅលើការប្រឈមមុខរបស់វាដែរក្រោយពីពិនិត្យរួច ។ គេបានកត់សម្គាល់ឃើញថា សម្រាប់ស្ត្រីគ្រប់គ្នាដែលបានសង្គ្រោះជីវិតពីជំងឺមហារីកសុដន់ ប្រហែលជាបីនាក់ត្រូវបានរកឃើញជំងឺមហារីកគឺនឹងមិនមានការគម្រាមគំហែងដល់អាយុជីវិតទេ ជាពិសេសតម្រូវការការព្យាបាលមិនចាំបាច់តែម្តង ព្រោះវាច្រើនតែបង្កជាផលរំខានមួយចំនួនផង ៕ ស្រង់ពីគេហទំព័រសុខភាព
ចែករំលែកព័តមាននេះ