ទំនាស់ដីធ្លីជាង១០ឆ្នាំមិនទាន់ចប់ ពេលនេះលើកគ្នាតវ៉ាបិទផ្លូវជិត២ម៉ោង
- ភ្នំពេញ
រាជធានីភ្នំពេញ ៖ នៅខាងមុខក្រសួងដែនដី ក្រុមប្រជាពលរដ្ឋដែលមកពីខេត្តកោះកុងចំនួនជាង២០០នាក់ បាននាំគ្នាធ្វើការតវ៉ាដោយនាំគ្នាធ្វើការបិទលើផ្លូវព្រះមុនីវង្សខាងមុខក្រសួងរៀបចំដែនដី នគរូបនីយ៍កម្ម និងសំណង់ អស់យៈពេល១ម៉ោងកន្លះក្រោយពីពួកគាត់បាននាំគ្នាឡើងមកកាន់រាជធានីភ្នំពេញក្រោយពីក្រសួងមិនមានដំណោះដល់ពួកគាត់ និងទាល់តែមានការសម្របសម្រួលអំពីសំណាក់អាជ្ញាធរទើបធ្វើការបើកផ្លូវជាធម្មតាវិញ ។…
ការបិទផ្លូវនេះដែរបានធ្វើឡើងកាលពីវេលាម៉ោង២និង០០នាទីរសៀល ថ្ងៃទី២៨ ខែមិថុនា ឆ្នាំ២០១៨ នៅលើកណាត់ផ្លូវព្រះមុនីវង្ស ខាងមុខក្រសួងរៀបចំ ដែនដី នគរូបនីយ៍កម្ម និង សំណង់ ក្នុងសង្កាត់បឹងត្របែក ខណ្ឌចំការមន ។
មូលហេតុដែលបងប្អូនប្រជាពលរដ្ឋទាំងអស់គ្នានាំគ្នាសម្រេចចិត្តធ្វើការបិទផ្លូវនៅពេលនេះដែរគឺដើម្បីអោយខាងក្រសួងដែនដីពន្លឿនការដោះស្រាយ អំពីងញ្ហាទំនាស់ដីធ្លីដល់ពួកគាត់ដែលនៅមុនទាន់មានដំណោះស្រាយនោះ ។
លោកពូ ទិត្យ ផេង បានប្រាប់បន្តទៀតថា បញ្ហាទំនាស់ដីធ្លីរបស់ពួកគាត់ជាមួយនឹងក្រុមហ៊ុនចំការអំពៅនេះបានអូសបន្លាយពេលអស់រយៈពេលជាង១០ឆ្នាំមកហើយ ពោលគឺចាប់តាំងពីឆ្នាំ២០០៦មកម្ល៉េះ តំបូងដោយប៉ះពាល់ជាមួយនឹងប្រជាពលរដ្ឋសរុបចំនួន៥៣៧គ្រួសារក្នុងស្រុកស្រែអំពិល និងស្រុកបុទុមសាគរ របស់ខេត្តកោះកុង ដោយខាងក្រសួងបានធ្វើការដោះស្រាយរួចចំនួនជាង១០០គ្រួសារហើយ នៅឡើយតែពួកគាត់ចំនួន៣១៧គ្រួសារទៀតនៅមិនទាន់ដោះស្រាយរួច និងកំពុងតែលើកគ្នាមកធ្វើការតវ៉ានេះ ៕
ចែករំលែកព័តមាននេះ