រាជធានីភ្នំពេញ ៖ ប្រជាពលរដ្ឋយ៉ាងច្រើនដែលរស់នៅក្នុងសង្កាត់បឹងត្របែក ខណ្ឌចំការមន កំពុងតែមានការព្រួសបារម្ភ និងភ័យខ្លាចយ៉ាងខ្លាំងអំពីសន្តិសុខរបស់ពួកគាត់ ខណៈដែលក្នុងរដូវកាលបាល់ទាត់ World Cup ឆ្នាំ២០១៨…
រាជធានីភ្នំពេញ ៖ ប្រជាពលរដ្ឋយ៉ាងច្រើនដែលរស់នៅក្នុងសង្កាត់បឹងត្របែក ខណ្ឌចំការមន កំពុងតែមានការព្រួសបារម្ភ និងភ័យខ្លាចយ៉ាងខ្លាំងអំពីសន្តិសុខរបស់ពួកគាត់ ខណៈដែលក្នុងរដូវកាលបាល់ទាត់ World Cup ឆ្នាំ២០១៨ នេះមកដល់ និងប្រព្រឹត្តិធ្វើឡើងនៅឯប្រទេសរុស្ស៊ីនោះ ។
អ្វីដែលជាការព្រួយបារម្ភនោះគឺទីតាំងភ្នាល់បាល់ដ៏ធំមួយកន្លែងដែលស្ថិតនៅទីតាំងផ្ទះលេខ៧៧៨ ផ្លូវលេខ៧៧៤ ក្រុមទី២៦ ភូមិ៨ ក្នុងសង្កាត់បឹងត្របែក ខណ្ឌចំការមន ដែលកំពុងតែបើកលេងយ៉ាងបើកចំហ២៤ម៉ោង មិនតែប៉ុណ្ណោះក៏មានបង្កប់ល្បែងកន្ទុយលេខ(ឆ្នោតយួន) និងល្បែងភ្នាល់មាន់ជល់តាមអនឡាញផងដែរ ។
ប្រភពពីប្រជាពលរដ្ឋម្នាក់បានប្រាប់ឱ្យដឹងថា ចាប់តាំងពីបើករដូវកាលប្រកួតបាល់ទាត់ពិភពលោកឆ្នាំ២០១៨នេះមកគេបានឃើញថា នៅក្នុងទីតាំងភ្នាល់បាល់មួយកន្លែងខាងលើបានបើកលេងទាំងយប់ ទាំងថ្ងៃ ២៤ម៉ោងលើ២៤ម៉ោង មិនតែប៉ុណ្ណោះក៏មានល្បែងស៊ីសងប្រភេទកន្ទុយលេខ និងល្បែងភ្នាល់មាន់ជល់តាមអនឡាញផងដែរ ។
ចាប់តាំងពីបាល់ទាត់ World Cup នេះចាប់ផ្តើមលេងមកគេបានឃើញមានមនុស្សយ៉ាងគគ្រឹកគគ្រេងចេញចូលៗមិនថា យប់ឬថ្ងៃឡើយ ពោលគឺ២៤ម៉ោង ជាប់រហូតមិនដាច់ឡើយ ហើយមិនដែលឃើញមានកម្លាំងមូលដ្ឋានណាម្នាក់ធ្វើដឹងឭឡើយ ។
តាមប្រភពដដែលបានប្រាប់បន្តទៀតថា ការដែលមានមនុស្សយ៉ាងច្រើនចេញចូលៗទាំងយប់ទាំងថ្ងៃមិនដាច់នេះដែរបានធ្វើអោយពួកគាត់ដែលជាប្រជាពលរដ្ឋដែលរស់នៅក្បែរខាងមានការព្រួយបារម្ភពីសន្តិសុខ សុវត្ថិភាព ការរស់នៅរបស់ពួកគាត់ និងមានការរំខានយ៉ាងខ្លាំងផងដែរ ។
ជាក់ស្តែងនៅក្នុងរាជធានីភ្នំពេញរបស់យើងសព្វថ្ងៃនេះចាប់តាំងពីរដូវកាលបាល់ទាត់ World Cup នេះចាប់ផ្តើមមក និងមានមនុស្សជាច្រើននាំគ្នាលេងល្បែងភ្នាល់នេះនោះគឺតែងតែកើតមានបទល្មើសចោរកម្មដែលមានដូច អំពើរចោរឆក់ ចោរប្លន់ និងលួច មានការកើនឡើងវិញជាញឹកញាប់បន្ទាប់ពីមានភាពស្ងប់ស្ងាត់បាត់មួយរយៈកន្លងមកហើយនោះ ៕
ចែករំលែកព័តមាននេះ