ខេត្តបន្ទាយមានជ័យ ៖ មានសេចក្ដីរាយការណ៍មុននេះបន្តិចថា នៅយប់ថ្ងៃទី២៨ មិថុនា ២០១៨ មានករណីគ្រោះថ្នាក់ចរាចរណ៍ មួយបានកើតឡើងដែល រថយន្តធំបុកគ្នាស្លាប់ម្នាក់របួសធ្ងន់ស្រាលមួយចំនួនលើដងផ្លូវជាតិលេខ៥ ក្នុងភូមិនិមិត្តថ្មី សង្កាត់និមិត្ត ក្រុងប៉ោយប៉ែត។
នាយប៉ុស្តិ៍នគរបាលរដ្ឋបាលសង្កាត់និមិត្ត ប្រាប់តាមទូរស័ព្ទថា ករណីខាងលើគឺរថយន្តក្រុងដឹកអ្នកដំណើរបុកគ្នាជាមួយរថយន្តធំ ក្នុងដំណើរបញ្ច្រាសទិសគ្នា។ ហើយថាករណីគ្រោះថ្នាក់នេះបណ្តាលឲ្យអ្នកបើកបររថយន្តធំស្លាប់ ក្នុងកាប៊ីនរថយន្តគាបជាប់តែម្តង។
សមត្ថកិច្ចជំនាញនិយាយថា ដំបូងរថយន្តធំបើកបរមកពីទិស ខាងកើតលុះឡើងជែងរថយន្តចតចោលក៏បុករថយន្តក្រុងដឹកអ្នកដំណើរដែលទៅពីទិសបញ្ច្រាសគ្នា។ ពេលនេះសមត្ថកិច្ចកំពុងចុះទៅកន្លែងកើតហេតុដើម្បីពិនិត្យមើល និងធ្វើការវាស់វែង៕
ចែករំលែកព័តមាននេះ