ខេត្តកំពង់ស្ពឺ ៖ ជនសង្ស័យម្នាក់ដែលធ្វើសកម្មភាពរំលោភសេពសន្ថវៈកាលពីឆ្នាំ២០១០ ហើយសមត្ថកិច្ចក្របួចជាប់នៅពាក់កណ្តាលឆ្នាំ២០១៨ បន្ទាប់ពីជននេះបានប្រព្រឹត្ដបទល្មើស ហើយរត់គេចខ្លួន រួចវិលចូលទ្រនំវិញព្រោះស្មានថា សមត្ថកិច្ចភ្លេចមុខគេ។ ការឃាត់ខ្លួននេះធ្វើឡើងកាលពីរសៀលថ្ងៃទី២៧ ខែមិថុនា…
ខេត្តកំពង់ស្ពឺ ៖ ជនសង្ស័យម្នាក់ដែលធ្វើសកម្មភាពរំលោភសេពសន្ថវៈកាលពីឆ្នាំ២០១០ ហើយសមត្ថកិច្ចក្របួចជាប់នៅពាក់កណ្តាលឆ្នាំ២០១៨ បន្ទាប់ពីជននេះបានប្រព្រឹត្ដបទល្មើស ហើយរត់គេចខ្លួន រួចវិលចូលទ្រនំវិញព្រោះស្មានថា សមត្ថកិច្ចភ្លេចមុខគេ។
ការឃាត់ខ្លួននេះធ្វើឡើងកាលពីរសៀលថ្ងៃទី២៧ ខែមិថុនា ឆ្នាំ២០១៨ ដោយកម្លាំងនគរបាលក្រុងច្បារមន បានស្រាវជ្រាវចាប់ខ្លួនមុខសញ្ញាជនសង្ស័យម្នាក់នៅភូមិញ សង្កាត់កណ្តោលដុំ ក្រុងច្បារមន ខេត្តកំពង់ស្ពឺ ។ ជនសង្ស័យនេះចេញដីកាបង្គាប់ឲ្យចាប់ខ្លួន លេខ ១៩៧ចុះថ្ងៃទី០៧.០៧.២០១១ របស់លោក អ៊ីវ បូរិន្ទ ចៅក្រមស៊ើបសួរនៃសាលាដំបូងខេត្ត ដោយជនជាប់ចោទឈ្មោះ ហេង សុភ័ក្រណា ហៅសុភ័ក្រណា ភេទប្រុស អាយុ២៧ឆ្នាំ មុខរបរលក់ដូរ ពីបទ រំលោភសេពសន្ថវៈ នៅរមណីយដ្ឋានអំពែភ្នំ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ កាលពីថ្ងៃទី២៦ មករា ២០១០។
ជនសង្ស័យខាងលើក៏មានដីកាបង្គាប់ឲ្យនាំខ្លួនលេខ ២០៥ ចុះថ្ងៃទី២១ កក្កដា ២០១៧ របស់លោកពេជ្រ ចិន្តា ចៅក្រមស៊ើបសួរសាលាដំបូងខេត្តកំពង់ស្ពឺ ជាប់ពាក់ព័ន្ធពីបទ លួចដោយស្ថានទម្ងន់ទោស (ឆក់) នៅភូមិដំបងវេញ ឃុំសង្កែសាទប ស្រុកឱរ៉ាល់ កាលពីថ្ងៃទី២០ មីនា ២០១៧ ក្រោយប្រព្រឹត្ដបទល្មើសរួចគេចខ្លួនបាត់ ដោយជនសង្ស័យមានស្រុកកំណើតនៅភូមិក្រាំងពលទេព ឃុំរកាធំ ស្រុកច្បារមន ខេត្តកំពង់ស្ពឺ។
ក្រោយការឃាត់ខ្លួនបាននៅព្រឹកថ្ងៃទី២៨ ខែមិថុនា ២០១៨ ជនសង្ស័យខាងលើបានឆ្លើយសារភាពថា រូបគេពិតជាបានប្រព្រឹត្តដូចការចោទប្រកាន់ខាងលើនេះមែន។ កាលនោះគឺរូបគេបានធ្វើសកម្មភាពរំលោភលើនារីម្នាក់រហូតសម្រេចនៅចំណុចកើតហេតុខាងលើ រួចក៏រត់គេចខ្លួនរហូតមក។ លុះដល់ថ្ងៃចាប់ខ្លួន ដោយនឹកស្មានថា សមត្ថកិច្ចភ្លេចរូបគេហើយនោះ គេក៏លបចូលមកផ្ទះ ស្រាប់តែត្រូវសមត្ថកិច្ចចាប់ខ្លួនតែម្តង។
ក្រោយស្តាប់សចម្លើយសារភាពរួចមក ជនសង្ស័យខាងលើត្រូវបានជំនាញបានកសាងសំណុំរឿងបញ្ជូនទៅការិយាល័យព្រហ្មទណ្ឌខេត្ត ដើម្បីចាត់ការតាមនីតិវិធីបន្ត៕
ចែករំលែកព័តមាននេះ