ខេត្តបាត់ដំបង ៖ សេចក្តីរាយការណ៍បឋមឱ្យដឹងថា មានការឃាត់ខ្លួនជនសង្ស័យ២នាក់ ម្នាក់ជាអ្នកលួច និងម្នាក់ទៀតអ្នកទិញ កាលពីវេលាម៉ោង០៦ព្រឹកថ្ងៃទី២៨ មិថុនា នេះ ស្ថិតត្រង់ចំណុចស្ថានីយរថភ្លើងក្នុងភូមិរ៉ា ឃុំធិបតី ស្រុកគាស់ក្រឡ ខេត្តបាត់ដំបង លើករណីលួចខ្ចៅប៊ូឡុងចាប់ផ្លូវរថភ្លើងជាច្រើន ។
សេចក្តីរាយការណ៍បន្តថា ជនសង្ស័យទាំង២នាក់ ម្នាក់ឈ្មោះសូ ផុន (ជាអ្នកលួចដោះខ្ចៅតាមផ្លូវរថភ្លើង) និងម្នាក់ទៀតឈ្មោះប៉ក់ សារួន អាយុ៤៨ឆ្នាំ (ជាអ្នកទិញ)ទាំង២នាក់រស់នៅក្នុងភូមិកើតហេតុខាងលើជាមួយគ្នា ។
ការបង្ក្រាបនោះ ត្រូវបានសមត្ថកិច្ចដកហូតវត្ថុតាងខ្ចៅប៊ូឡុងនោះ ដោយមានទម្ងន់សរុប១១០គីឡូក្រាមឯណោះ ។
បច្ចុប្បន្ន ជនសង្ស័យទាំង២នាក់ត្រូវបានសមត្ថកិច្ចសាកសួរ និងចាត់ការតាមនីវិធី ។
ចែករំលែកព័តមាននេះ