តោះមកស្គាល់ភ្នំធម្មជាតិនៅតាមបណ្តាស្រុកនីមួយៗក្នុងខេត្តកំពង់ស្ពឺម្តង
- កំពង់ស្ពឺ
កំពង់ស្ពឺ ៖ ជួរភ្នំជាច្រើននៅខេត្តកំពង់ស្ពឺដែលភ្នំទាំងនោះមានភាពស្រស់បស់ ដែលគួរឲ្យទាក់ទាញអារម្មណ៍អ្នកទស្សនា ។ ចំណែកព្រៃឈើដ៏ខៀវស្រងាត់នៅលើភ្នំមានភ្នំខ្លះទាប ខ្លះខ្ពស់ ហើយស្ថិតនៅក្រោមការគ្រប់គ្រងមួយផ្នែករបស់ប្រជាសហគមន៍នៅទីនេះខ្លះហើយដែរ ។ និយាយជារួមក្រៅពីមានឈ្មោះជាខេត្តល្បីល្បាញក្នុងការផលិតស្ករត្នោតដែលមានគុណភាពល្អបំផុតនៅក្នុងប្រទេសកម្ពុជាមកនោះខេត្តនេះក៏ផលិតទឹកត្នោតជូរ…
និយាយជារួមក្រៅពីមានឈ្មោះជាខេត្តល្បីល្បាញក្នុងការផលិតស្ករត្នោតដែលមានគុណភាពល្អបំផុតនៅក្នុងប្រទេសកម្ពុជាមកនោះខេត្តនេះក៏ផលិតទឹកត្នោតជូរ និងស្រាទឹកត្នោតជាច្រើនផងដែរ ។ ជាពិសេស គឺភ្នំឱរ៉ាល់តែម្តង ហើយក៏ជាភ្នំខ្ពស់ជាងគេបំផុតក្នុងខេត្តដែលភ្នំនេះមានទីតាំងនៅស្រុកឱរ៉ាល់ និងមានព្រំដែនខណ្ឌខេត្តដូចជា កោះកុង ពោធិ៍សាត់ និងកំពង់ឆ្នាំង ។
បើនិយាយពីកំពង់ស្ពឺគេអាចនិយាយបានថា ជាខេត្តដែលងាយស្គាល់បំផុត ព្រោះខេត្តនេះស្ថិតនៅភាគខាងលិចនៃរាជធានីភ្នំពេញ និងជាខេត្តសម្បូរទៅដោយជួរភ្នំជាច្រើនមិនចាញ់ខេត្តនានានោះឡើយ តែក្នុងចំណោមភ្នំទាំងនោះនៅមានភ្នំដែលជាកន្លែងរមណីយដ្ឋានប្រវិត្តសាស្ត្រផង និងបូរាណវិទ្យាផង ក្រៅពីនោះនៅ មានតែកន្លែងកម្សាន្តចំនួនទៀតដែលមានប្រជាប្រិយភាពខ្លាំង គឺឧទ្យានជាតិព្រះសុរាម្រឹតកុសុមៈឬគិរីរម្យ ទឹកធ្លាក់ចំបក់ អំពែភ្នំ និងភ្នំព្រៃខ្មែរ ហើយថ្មីៗនេះ គឺទឹកធ្លាក់ជ្រាវ និងភ្នំចាស់ ហើយភ្នំព្រះតែម្តង ដោយឡែកភ្នំស្រង់ជាភ្នំដែលមានវត្តអារាមច្រើនជាងភ្នំនានា។
ស្រុកភ្នំស្រួចជាស្រុកមួយដែលសម្បូរទៅដោយជួរភ្នំជាច្រើនផងដែរ ក្នុងនោះមានភ្នំធ ,ភ្នំខ្នុរ ,ភ្នំលាក់ ,ភ្នំជ្រោះដំបង ,ភ្នំ៥៥៣ (ជាបណ្តុំភ្នំជាច្រើនស្អេកស្កះ) ភ្នំក្រឡាបឹង ,ភ្នំពោធិ ,ភ្នំដីច្រាំ , ភ្នំត្រពាំងក្រឡឹង (បច្ចុប្បន្នប្រជាពលរដ្ឋហៅថា ភ្នំឥនត្រពាំងក្រឡឹង) ដែលភ្នំមួយនេះមានប្រវត្តិទាក់ទងទៅនឹងការបាញ់សម្លាប់ក្រុមជនក្បត់ជាតិទៀតផង ។នៅមានតំបន់ទេសចរណ៍មួយចំនួនទៀតនៅស្រុកនេះ តែយើងសូមទុកលើកយកមកបង្ហាញនៅពេលបន្ទាប់ ។ ដោយឡែកក្រុងច្បារមនជាបេះដូងរបស់ខេត្តមិនមានភ្នំដូចបណ្តាស្រុកដទៃនោះទេ តែមានរមណីយដ្ឋានជាប់ទាក់ទងនឹងប្រវត្តិសាស្ត្រមួយកន្លែងនោះ គឺវត្តអំពែភ្នំ ។
លក្ខណៈពិសេសនៃតំបន់ រមណីយដ្ឋានទេសចរណ៍នេះពិតជាស្រស់ត្រកាលណាស់បើនិយាយអំពីទីរមណីយដ្ឋានអំពែភ្នំនោះនរណាក៏គេស្គាល់កន្លែង កម្សាន្តប្រកប ដោយខ្យល់ជំនោរត្រជាក់ ផុសចេញពីទឹកស្ទឹងហូរបត់បែនវែងអន្លាយនេះដែរ ជាពិសេសក្រុមយុវជនយុវនារីតែម្តង ។ អំពែភ្នំនៅមិនឆ្ងាយប៉ុន្មានពីទីក្រុង ភ្នំពេញនោះឡើយ គឺមានចម្ងាយផ្លូវត្រឹមតែ៤៦គីឡូម៉ែត្រតែប៉ុណ្ណោះ រួចបត់ឆ្វេងដៃចូលតាមផ្លូវក្រួសក្រហមប្រហែលជា២គីឡូម៉ែត្រនោះនឹងបានឃើញប្រទះស្លាកសញ្ញារមណីយដ្ឋាននេះដែលមានទីតាំងស្ថិតនៅក្នុងភូមិអំពែភ្នំ ឃុំសុពណ៌ទេព និងឃុំស្វាយ ក្រវ៉ាន់ ក្រុងច្បារមន ខេត្តកំពង់ស្ពឺ ។
ចែករំលែកព័តមាននេះ