ពិធីករទូរទស្សន៍អេហ្ស៊ីប លោក Abdrahim Mohammend Negma បានគាំងបេះដូង
ស្លាប់ក្រោយដឹងលទ្ធផលក្រុមអេហ្ស៊ីបចាញ់ក្រុមអារ៉ាប៊ីសាអូឌីត ២-១ នៅWorld Cup ។
អតីតគ្រូបង្វឹកក្លិបអេហ្ស៊ីប Zamalek FC លោក Negma ដែលធ្វើជាអ្នកអត្ថាធិប្បាយឱ្យប៉ុស្ដិ៍ទូរទស្សន៍អេហ្សុីបពេលមានការផ្សាយផ្ទាល់ពីការប្រកួតរវាងក្រុមអេហ្ស៊ីប និងអារ៉ាប៊ីសាអូឌីត រូបនេះ ស្រាប់តែជំងឺបេះដូងលោកធ្វើទុក្ខភ្លាមៗបន្ទាប់ពីក្រុមអេហ្ស៊ីបចាញ់ ២-១ នៅក្នុងការប្រកួតជុំទី៣ចុងក្រោយនៅ World Cup ។
បន្ទាប់ពីហេតុការណ៍នេះកើតឡើង រូបលោកត្រូវបានគេបញ្ជូនទៅកាន់មន្ទីរពេទ្យដើម្បីសង្គ្រោះ
តែពេលទៅដល់គ្រូពេទ្យប្រាប់ថាគាត់ស្លាប់បាត់ទៅហើយ ។ ចាត់ទុកជាហេតុការណ៍គួរឱ្យរន្ធត់មួយសម្រាប់ក្រុមជម្រើសជាតិអេហ្ស៊ីប ស្របពេលកីឡាករទាំងអស់រួមទាំងគ្រូបង្វឹកសុទ្ធតែប៉ះទង្គិចផ្លូវចិត្តខ្លាំងក្រោយទទួលលទ្ធផលចាញ់ទាំងបីប្រកួតក្នុងព្រឹត្តិការណ៍ World Cup ៕
ចែករំលែកព័តមាននេះ