តាមប្រភពព័ត៌មាន Sky Sports បានឲ្យដឹងថា ខ្សែការពាររបស់ក្លិបបិសាចក្រហម Matteo Darmian អាចនឹងចាកចេញពីក្លិបក្រោយពេលភ្នាក់ងាររបស់គេទៅជួបជាមួយនឹងនាយកក្លិបសេះបង្កង់ Juventus ។
យោងតាមព័ត៌មាន Sky នៅអ៊ីតាលី ភ្នាក់ងាររបស់កីឡាករ Darmian បានទៅជួបជាមួយនឹងលោក Fabio Paratici រួចមកហើយ ដើម្បីធ្វើការពិភាក្សាទៅលើការប្តូរជម្រកទៅនៅក្លិបសេះបង្កង់ នៅរដូវកាលក្រោយនេះ។
ខ្សែការពារអាយុ២៨ឆ្នាំនេះ បានចូលលេងឲ្យក្លិបបិសាចក្រហមតាំងពីរដូវកាល 2015-16 ដែលរួបគេបានឡើងទាត់នៅ Premier League ចំនួន២៨ដង និង ជួយក្លិបឲ្យឈ្នះពាន FA Cup ឆ្នាំ២០១៦ ម្តង។ តែក្រោយៗមក រូបគេមិនសូវបានផ្តល់ឱកាសឲ្យចូលប្រកួតនោះទេ ដែលរដូវកាលមុននេះ បានលេងត្រឹមតែ១៧ដងប៉ុណ្ណោះ ។
គួរបញ្ជាក់ផងដែរថា តាមការពិតទៅ Darmian អាចធ្វើការបន្តកុងត្រាទៀតបាន តែរូបគេបានបង្ហើបមកថា ពិតជាសប្បាយចិត្តណាស់ ដែលមាន Juventus មកចែចង់ ។ ជាមួយគ្នានេះដែរ ក្លិបបិសាចក្រហម ក៏ចង់លក់រូបគេផងដែរឲ្យតែត្រូវថ្លៃ ៕
ចែករំលែកព័តមាននេះ