មនុស្សយើងមានការវិវឌ្ឍនៃសរីរាង្គឃានវិញ្ញាណមិនសូវល្អ ។ ឃានវិញ្ញាណមិនសំខាន់ចំពោះជីវិតរបស់យើងដូចទៅនឹងសារសំខាន់ចំពោះសត្វនោះទេ ហើយវាច្រើនតែមកតាមក្រោយវិញ្ញាណ ផ្សេងៗ ។
ចក្ខុវិញ្ញាណ និងសោតវិញ្ញាណ មានសារសំខាន់បំផុតចំពោះមនុស្សយើង បន្ទាប់មកគឺសារសំខាន់នៃការប៉ះពាល់នឹងជីវ្ហាវិញ្ញាណ ដែលសំខាន់ជាងឃានវិញ្ញាណ ។ ប៉ុន្តែចុះបើអ្នកមានតែជីវ្ហាវិញ្ញាណ ប៉ុន្តែគ្មានឃានវិញ្ញាណ ?
មនុស្សយើងអាចស្គាល់ក្លិន ផ្សេងៗគ្នាបានដល់ទៅ ១០.០០០ក្លិន ។ ចំណែកឯរសជាតិវិញ ត្រូវបានចាត់ចូលជា ៤ក្រុម គឺ៖ ផ្អែម, ប្រៃ, ជូរ និងល្វីង ។ ៧៥ភាគរយនៃអ្វីដែលយើងដឹងថា ជារសជាតិបានមកពីឃានវិញ្ញាណ។ អាហារបានបញ្ចេញម៉ូឡេគុលក្លិនដែលខួរក្បាលយើងស្គាល់។ ដូច្នេះវាមិនមែនជារឿងគួរឱ្យភ្ញាក់ផ្អើលនោះទេ ដែលអណ្តាតអ្នកបាត់បង់រសជាតិនៅពេលដែលអ្នកតឹងច្រមុះ ៕ ស្រង់ពីគេហទំព័រសុខភាព
ចែករំលែកព័តមាននេះ