រាជធានីភ្នំពេញ ៖ យុវជនអាយុ១៦ឆ្នាំខឹងនឹងនារីអាយុ១៧ឆ្នាំម្នាក់មិនឲ្យថើបក៏វាយមួយដៃ សន្លប់ ហើយបីចូលបន្ទប់រំលោភបានសម្រេច កាលពីវេលាម៉ោង៨និង៣០នាទីយប់ថ្ងៃទី២៧ ខែមិថុនា ឆ្នាំ២០១៨ នៅបន្ទប់ជួល ខណ្ឌពោធិ៍សែនជ័យ ។
ជនរងគ្រោះ អាយុ១៧ឆ្នាំ មុខរបរកម្មកររោងចក្រ ស្នាក់នៅផ្ទះជួល ខណ្ឌពោធិ៍សែនជ័យ មាន ស្រុកកំណើតនៅ ខេត្តព្រៃវែង ។ ជនសង្ស័យឈ្មោះ អ៊ន រស្មី ភេទប្រុស អាយុ១៦ឆ្នាំ មុខរបរកម្មកររោងចក្រ មានស្រុកកំណើតនៅស្រុកសំបូរ ខេត្តក្រចេះ ។
តាមប្រភពព័ត៌មានពីនារីរងគ្រោះបាននិយាយថា នៅមុនពេលកើតហេតុ រូបនាងកំពុងអង្គុយនៅកាំជណ្តើរដោយកំពុងនិយាយទូរស័ព្ទទៅម្តាយនៅឯស្រុកកំណើតដែលគាត់សម្រាក់នៅ មន្ទីរពេទ្យ បន្ទាប់មកជនសង្ស័យខាងលើបានមកសួរនាំនាងថា កំពុងធ្វើអ្វី នារីរងគ្រោះបាននិយាយថា កំពុងខលទៅម្តាយនៅឯស្រុកកំណើត គាត់កំពុងនៅមន្ទីរពេទ្យ នៅពេលនោះ ស្រាប់តែបុរសខាងលើមកចាប់អោបថើបនាង ហើយនាងបានជេ និងស្តីបន្ទោសថា អាងាប់កុំធ្វើចរិតថោកអញ្ចឹង ដឹងគេមានគូដណ្តឹងហើយនៅតែធ្វើអញ្ចឹងទៀត ហើយជនសង្ស័យបានឆ្លើយថា ខ្ញុំមិនខ្វល់យប់នឹងនាងមិនរួចខ្លួនឡើយ ។ បន្ទាប់មកស្រាប់តែជនសង្ស័យខាងលើបានដាល់ចំពោះនាងមួយដៃបណ្តាលឲ្យសន្លប់ផងដែរ លុះនាងដឹងខ្លួនស្រាប់តែរូបនាងអាក្រាតកាយផ្នែកខាងក្រោម តែមានកន្សែងគ្របពីលើ នឹងមានឈាមប្រលាក់ពេញខ្លួន ហើយឃើញបុរសខាងលើនៅចុងជើងនាង ហើយបុរសខាងលើ បាននិយាយទៀតថា ទៀតអី ហើយនាងប្រាប់ថា ចាំមើលនាងប្តឹងសមត្ថកិច្ច បុរសមនិយាយថា ប្តឹងក៏ប្តឹងទៅ បន្ទាប់មកនារីរងគ្រោះស្លៀកខោ ហើយរត់ទៅបន្ទប់នាងវិញ ។ លុះនៅថ្ងៃទី២៧នៅថ្ងៃរសៀលនាងបានប្រាប់បងស្រីនឹងប្រាប់ម្ចាស់ផ្ទះ រួចតេហៅសមត្ថកិច្ចនាំជនសង្ស័យទៅសាកសួរ នៅប៉ុស្តិ៍នគរបាលកន្ទោក លុះនៅវេលាម៉ោង៦និង៣០នាទី ជនរងគ្រោះដាក់ពាក្យបណ្ដឹងតែម្តង ។
ចំណែកបុរសខាងលើបានឆ្លើយសារភាពថា ខ្លួនបានធ្វើអីៗជាមួយនារីខាងលើមែន គឺដោយត្រូវរ៉ូវនឹងគ្នា ។ ក្រោយពេលកើតហេតុនារីរងគ្រោះបានសំណូមពរថ្លៃជំងឺផ្លូវចិត្តចំនួន៣០០០ដុល្លារ តែសមត្ថកិច្ចកំពង់ស្រាវជ្រាវនៅឡើយ ៕
ចែករំលែកព័តមាននេះ