រាជធានីភ្នំពេញ ៖ អតីតម្ចាស់ជើងឯក World Cup ៤សម័យកាលអាល្លឺម៉ង់ ដែលចាញ់ក្រុមបាល់ទាត់ប្រទេសកូរ៉េ ហើយត្រូវហាលអាវត្រឡប់ទៅស្រុកវិញបានធ្វើឲ្យពិភពលោកនឹងស្មានមិនដល់សូម្បីតែថ្នាក់ដឹកនាំកំពូលរបស់កម្ពុជាក៏បង្ហាញនូវភ្ញាក់ផ្អើលផងដែរ ។ សម្តេចតេជោហ៊ុន…
រាជធានីភ្នំពេញ ៖ អតីតម្ចាស់ជើងឯក World Cup ៤សម័យកាលអាល្លឺម៉ង់ ដែលចាញ់ក្រុមបាល់ទាត់ប្រទេសកូរ៉េ ហើយត្រូវហាលអាវត្រឡប់ទៅស្រុកវិញបានធ្វើឲ្យពិភពលោកនឹងស្មានមិនដល់សូម្បីតែថ្នាក់ដឹកនាំកំពូលរបស់កម្ពុជាក៏បង្ហាញនូវភ្ញាក់ផ្អើលផងដែរ ។
សម្តេចតេជោហ៊ុន សែន នៅព្រឹកថ្ងៃទី២៨ មិថុនានេះបានថ្លែងទៅកាន់កម្មករ-កម្មការិនី នៅខេត្តកំពង់ឆ្នាំងដោយចោទជាសំនួរសួរទៅអ្នកចូលរួមថា៖ «អ្នកណាខ្លះចាក់អាល្លឺម៉ង់យប់មិញ ? ប្រវត្តិបាល់ទាត់ពិភពលោកកម្រណាស់ ដែលអាល្លឺម៉ង់ហាលអាវនៅវគ្គជម្រុះនោះ» ។ សម្តេចតេជោ បានបន្តថា ឥឡូវស្ថានភាពបាល់ទាត់ គឺប្រែប្រួលខ្លាំងណាស់ កាលពីសម័យកាលមុន គឺតាំងពីមុនប្រេស៊ីល និងអាហ្សង់ទីន គឺក្រុមបាល់ទាត់អ៊ុយរ៉ាហ្គាយ គឺខ្លាំងណាស់ តែក្រោយមកក៏បាត់សម្លេង ឥឡូវអ៊ុយរ៉ាហ្គាយ គឺបានវិលត្រឡប់មកវិញអញ្ចឹង គឺថាហោចណាស់ក្រុមបាល់ទាត់ អ៊ុយរ៉ាហ្គាយ បានចូលទៅវគ្គពាក់កណ្តាលផ្តាច់ព្រ័ត្រ សម្រាប់ World Cup 2018 នៅរុស្ស៊ី ។
សូមរម្លឹកថា អាល្លឺម៉ង់ អតីតម្ចាស់ជើងឯក World Cup 2014 បានបាត់បង់៣ពិន្ទុជាលើកទី២ កាលពីយប់ថ្ងៃទី២៧ មិថុនា ក្រោយចាញ់កូរ៉េខាងត្បូងសម្រាប់តារាងក្នុងពូល F ដោយសារតែកូរ៉េស៊ីអាល្លឺម៉ង់២ទល់នឹង០ ។ ការចាញ់របស់អាល្លឺម៉ង់ ហើយត្រូវហាលអាវវិលទៅស្រុកវិញ បានធ្វើឲ្យហ្វេនលើពិភពលោកនឹកស្មានមិនដល់សម្រាប់លទ្ធផលមួយនេះ ៕
ចែករំលែកព័តមាននេះ