សារព័ត៌មានបរទេសកាលពីពេល ថ្មីៗកន្លងមកផ្សាយថា អគារផ្អៀងនៅក្រុងពីហ្សា ប្រទេសអុីតាលី បានឆ្លងកាត់អស់រយៈពេលជាយូរលង់ រួមទាំងបានឆ្លងកាត់សង្គ្រាមលោកទាំង២លើក ឆ្លងកាត់ការទស្សនារបស់ពលរដ្ឋជាច្រើនលាននាក់ និងការរញ្ជួយដីខ្លាំងយ៉ាងតិច៤លើក ដែលកើតឡើងតាំងពីឆ្នាំ១២៨០មក ។…
សារព័ត៌មានបរទេសកាលពីពេល ថ្មីៗកន្លងមកផ្សាយថា អគារផ្អៀងនៅក្រុងពីហ្សា ប្រទេសអុីតាលី បានឆ្លងកាត់អស់រយៈពេលជាយូរលង់ រួមទាំងបានឆ្លងកាត់សង្គ្រាមលោកទាំង២លើក ឆ្លងកាត់ការទស្សនារបស់ពលរដ្ឋជាច្រើនលាននាក់ និងការរញ្ជួយដីខ្លាំងយ៉ាងតិច៤លើក ដែលកើតឡើងតាំងពីឆ្នាំ១២៨០មក ។
វេបសាយ phys.org បញ្ជាក់ថាមានវិស្វករមួយក្រុមរកឃើញថាកម្ពស់របស់អគារមានរាងជាជួងនេះនៅលើសណ្ឋានដីទន់ធ្វើឲ្យការញ័ររំញោចមានតុល្យភាព អគារមានលំនឹង ឬយោលទៅតាមកម្លាំងរញ្ជួយដី ។ ហេតុដូច្នេះនៅពេលកើតមានរញ្ជួយដីអគារផ្អៀងទើបមានការញ័ររំញោចតិចជាងកម្លាំងរំញោចនៅក្នុងដី ។
លោកសាស្ត្រាចារ្យម៉ៃឡុន ណាគីស ថ្លែងថា «ជារឿងដែលនឹកស្មានមិនដល់មួយដែលដីស្ថិតក្នុងចំណុចដ៏ល្អធ្វើឲ្យអគារផ្អៀងតាំងពីដំបូង អាចជួយទប់ទល់លើការរញ្ជួយដីជាច្រើនលើក ។
កាលពីឆ្នាំ ១៩៩០ រដ្ឋាភិបាលអុីតាលីបានបិទអគារផ្អៀងមិនឲ្យភ្ញៀវទេសចរចូលទស្សនា និងចាប់ផ្ដើមជួសជុលរយៈពេល១០ឆ្នាំ ។ ក្រុមការងារបានជួសជុលដោយយកដុំសំណទម្ងន់៩០០តោនទៅទប់គ្រោងអគារនៅផ្នែកខាងជើង ដើម្បីដាក់ទម្ងន់ឲ្យមានតុល្យភាព ។ ក្រៅពីនេះក៏ព្យាយាមរិះរកវិធីសាស្ត្រឲ្យប្រសើរជាងនេះដើម្បីទប់ទល់ដល់ការផ្អៀងនៃអគារនេះ» ៕
ចែករំលែកព័តមាននេះ