មុទិតាជាថ្នាំព្យាបាលជំងឺឥស្សា
មុទិតា គឺការត្រេកអរ សប្បាយរីករាយ ពេលដែលគេមាន គេបានសេចក្តីសុខ ជាព្រហ្មវិហារធម៌ទី៣ ដែលអ្នកដឹកនាំគប្បីបណ្តុះនៅក្នុងសន្តានចិត្តខ្លួនឱ្យបានជាប់ជានិច្ច។ មុទិតា បើនិយាយឱ្យចំ គឺមិនចេះច្រណែន…
មុទិតា គឺការត្រេកអរ សប្បាយរីករាយ ពេលដែលគេមាន គេបានសេចក្តីសុខ ជាព្រហ្មវិហារធម៌ទី៣ ដែលអ្នកដឹកនាំគប្បីបណ្តុះនៅក្នុងសន្តានចិត្តខ្លួនឱ្យបានជាប់ជានិច្ច។
មុទិតា បើនិយាយឱ្យចំ គឺមិនចេះច្រណែន មិនចេះនិន្ទាឈ្នានីស មិនព្យាបាទ និងមិនចេះផ្តន្ទា ចំពោះសេចក្តីសុខរបស់ជនណាទេ គឺមានតែត្រេកអរ និងជួយអនុមោទនា សាធុ! សាធុ! សាធុ! នៅពេលឃើញ ឮ ដឹងថា អ្នកណាមួយបានសុខចម្រើន ។
ពួកយើងដែលជាមនុស្សបុថុជ្ជននេះ តែងមានរោគផ្លូវចិត្តដែលតែងចូលមកយារយីសុខភាពផ្លូវកាយ បន្ថយនូវសមត្ថភាពក្នុងការងារ និងបំផ្លាញនូវគុណធម៌ជាមនុស្សឱ្យទន់ទាបជាលំដាប់។ រោគផ្លូវចិត្តនោះ ភាសាធម្មៈលោកហៅថា កិលេស ឬឧបកិលេស ដែលតែងរុកកួនសន្តានចិត្តឱ្យស្ទុះទៅគ្មានទីបំផុត ។
មានរោគមួយដែលកាចសាហាវជាងគេសម្រាប់អ្នកធំ រហូតដល់ព្រះសម្មាសម្ពុទ្ធប្រទានថ្នាំទិព្វឈ្មោះ មុទិតាឱ្យទុកសម្រាប់ព្យាបាលអ្នកកើតរោគនោះ។ រោគសម្រាប់អ្នកធំនេះឈ្មោះឥស្សា ឬការច្រណែនឈ្នានីស ធ្វើឱ្យមានជំងឺចិត្តកាន់តែពិបាកព្យាបាល ។
ចែករំលែកព័តមាននេះ