ឱសាច់ញាតិនៅទីណា! ឌីជេ អាលីយ៉ា ទទួលមរណភាពហើយ
- ភ្នំពេញ
រាជធានីភ្នំពេញ ៖ យោងតាមការឱ្យដឹងពីតារាចម្រៀង ស៊ូ ដាណេ បានប្រាប់ឱ្យដឹងថា កញ្ញាឌីជេ អាលីយ៉ា បានទទួលមរណភាពហើយនៅម៉ោង៥និង២២នាទី ថ្ងៃទី២៨…
រាជធានីភ្នំពេញ ៖ យោងតាមការឱ្យដឹងពីតារាចម្រៀង ស៊ូ ដាណេ បានប្រាប់ឱ្យដឹងថា កញ្ញាឌីជេ អាលីយ៉ា បានទទួលមរណភាពហើយនៅម៉ោង៥និង២២នាទី ថ្ងៃទី២៨…
រាជធានីភ្នំពេញ ៖ យោងតាមការឱ្យដឹងពីតារាចម្រៀង ស៊ូ ដាណេ បានប្រាប់ឱ្យដឹងថា កញ្ញាឌីជេ អាលីយ៉ា បានទទួលមរណភាពហើយនៅម៉ោង៥និង២២នាទី ថ្ងៃទី២៨ ខែមិថុនា ឆ្នាំ២០១៨ មុននេះ ដោយសពរបស់នាងបានយកទៅតម្កល់នៅវត្តទួលអង្គលោក។ នេះពិតជាដំណឹងដ៏សោកស្តាយមួយដែលឌីជេមានកម្រិតនិយាយភាសាអង់គ្លេសបានល្អ និងល្បីល្បាញបានលាចាកទៅដោយគ្មានវិលត្រឡប់មកវិញ។
កញ្ញា ស៊ូ ដាណេ ការពិតគឺបានលះបង់ពេលវេលាជាច្រើនជាមួយឌីជេ អាលីយ៉ា នាងពិតជាមានចិត្តបុណ្យដោយក្នុង១ថ្ងៃទៅពេទ្យ២ដងតាំងពីដឹងថា អាលីយ៉ា ឈឺធ្ងន់ដុនដាបនៅមន្ទីរពេទ្យកាល់ម៉ែត។ នាងបានទៅជួយផ្លាស់ខោ អាវលាងខ្លួនឱ្យអាលីយ៉ា ដោយទ្រាំមិនបានពេលឃើញសភាពអាលីយ៉ា ដែលបត់ជើងតូច ជើងធំនៅតែលើគ្រែដេកបែបនេះ ព្រោះតែក្តីអាណិត ទើប ស៊ូ ដាណេ ចុះទៅជួយដោយមិនអាចទ្រាំមើលនឹងភ្នែកបាន ជាពិសេសអត់ញាតិមើលថែទាំនេះជាកាយវិការល្អក្នុងនាមអ្នកសិល្បៈ។
មុនពេលធ្លាក់ខ្លួនឈឺរហូតចូលសម្រាកនៅបន្ទប់សង្គ្រោះបន្ទាន់ គួរឲ្យអាសូរ អាលីយ៉ា ធ្លាប់បានសាងស្នាដៃជាច្រើនក្នុងសង្គមសិល្បៈ បូករួមទាំងការងារសប្បុរសធម៌ជាហូរហែផងដែរ។
អំឡុងខែមិថុនា ឆ្នាំ២០១២ អាលីយ៉ា បានផ្តើមគំនិតក្នុងការប្រមូលថវិកាមួយចំនួនពីមិត្តរួមអាជីព និងក្រៅរង្វង់សិល្បៈ ដើម្បីជូនដល់វីរៈសិល្បករចាប៉ីដ៏ល្បីល្បាញលោកតា ភិរម្យ ប្រាជ្ញ ឈួន ។ នាងក៏ដឹកនាំអ្នកសិល្បៈ និងក្រុមការងារមួយចំនួនចុះទៅសួរសុខទុក្ខ វីរៈសិល្បករខាងលើដោយផ្ទាល់នៅស្រុកកំណើតភូមិសម៉ ឃុំខ្វាវ ស្រុកទ្រាំង ខេត្តតាកែវ។
អ្វីដែលគេកាន់តែសរសើអំពីទឹកចិត្តនាង គឺក្នុងអំឡុងខែកក្កដា ឆ្នាំ២០១២ នាងក៏ផ្តួចផ្តើមបង្កើតព្រឹត្តិការណ៍ប្រគំតន្ត្រី និងសម្តែងទស្សនីយភាពសិល្បៈដ៏ធំមួយ នៅសាលមហោស្រពចតុមុខមានឈ្មោះថា «តន្ត្រីមនុស្សធម៌រៃអង្គាសប្រាក់ជួយកុមារកំព្រា»។ គេក៏ចាប់អារម្មណ៍ទៅលើសកម្មភាពនៃការចូលរួមដោយស្ម័គ្រចិត្តរបស់តារាស្រីរូបនេះជាមួយសិល្បករដទៃក្នុងព្រឹត្តិការណ៍អង្គរសង្ក្រាន្តជាច្រើនឆ្នាំបន្តបន្ទាប់គ្នាផងដែរ។
មុនពេលបាត់មុខពីការងារសិល្បៈផងដែរ កាលពីអំឡុងចុងខែកញ្ញា ឆ្នាំ២០១៦ តារាស្រីរូបនេះក៏ធ្លាប់បានចូលរួមដោយស្ម័គ្រចិត្តក្នុងព្រឹត្តិការណ៍ប្រគំតន្ត្រីសប្បុរសធម៌នៅសាកលវិទ្យាល័យន័រតុន ដើម្បីរកថវិការជួយដល់មន្ទីរពេទ្យគន្ធបុប្ផាផងដែរ។ នៅមានសកម្មភាពសង្គមជាច្រើនទៀតដែលតារាស្រីរូបនេះ ធ្លាប់បានចូលរួមចំណែកជាមួយសិល្បករដទៃជួយដល់សង្គម ។
សូមអំពាវនាវដល់សាច់ញាតិគាត់ឱ្យបានដឹងផង បើខុសឆ្គងបែបណាគួរតែមកជួយគាត់នៅវិនាទីចុងក្រោយនេះផង។
ចែករំលែកព័តមាននេះ