ខេត្តកំពង់ស្ពឺ ៖ សេចក្តីរាយការណ៍បឋមបានឲ្យដឹងថា កាលពីវេលាម៉ោងជាង៤រសៀល ថ្ងៃទី២៧ មិថុនា មានឧប្បត្តិហេតុគ្រោះថ្នាក់ចរាចរណ៍មួយគឺរថយន្តតាក់ស៊ីផ្តាច់ព្រលឹងភ្នំពេញ.កំពង់សោម បានស្លាប់ជនបរទេសម្នាក់ និង២នាក់របួសធ្ងន់។ ហេតុការណ៍នោះបានកើតឡើងនៅចំណុចគីឡូម៉ែត្រ លេខ៨៩-៩០ ផ្លូវជាតិលេខ៤ ភូមិ៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
សេចក្តីរាយការណ៍បន្តថា នៅវេលាម៉ោងខាងលើគេបានឃើញរថយន្តឡិចស៊ីស RX៣០០ ពណ៌ទឹកមាស ពាក់ស្លាកលេខ ភ្នំពេញ ២Q-៤៩២១ ជាប្រភេទរថយន្តរត់តាក់ស៊ី បានបើកចេញពីភ្នំពេញ ក្នុងគោលបំណងទៅក្រុងព្រះសីហនុ ដោយមានដឹកជនបរទេសចំនួន៣នាក់។
ពេលដល់ចំណុចខាងលើ គេបានឃើញរថយន្តនោះបើកបរយ៉ាងលឿន ហើយក៏រេចង្កូតធ្លាក់ពីលើផ្លូវ ក្រឡាប់ជាច្រើនត្រឡប់ តែមិនមានប៉ះពាល់លើអ្នកដទៃទេ តែបណ្តាលឲ្យជនបរទេសម្នាក់ស្លាប់ភ្លាមនៅក្នុងរថយន្ត ចំណែក២នាក់ទៀតរងរបួសធ្ងន់ ម្នាក់គាបជាប់ក្នុងរថយន្ត ម្នាក់បានដឹកទៅសង្គ្រោះដល់មន្ទីរពេទ្យ ចំណែកតៃកុងរត់បាត់ស្រមោល៕ ប៊ុន ណាក់
ចែករំលែកព័តមាននេះ