រាជធានីភ្នំពេញ ៖ ស្នងការនគរបាលខេត្តមណ្ឌលគិរីកាលពីវេលាម៉ោង៩យប់ ថ្ងៃទី២៦ ខែមិថុនា ឆ្នាំ២០១៨ បានដឹកនាំកម្លាំងចុះប្រតិបត្តិការបង្ក្រាបការជួញដូរគ្រឿងញៀនខុសច្បាប់នៅចំណុចលំនៅឋានមួយកន្លែងក្នុងភូមិពូល ឃុំប៊ូស្រា ស្រុកពេជ្រាដា ដែលក្នុងប្រតិបត្តិការនេះមានការតដៃពីជនសង្ស័យបណ្តាលឲ្យលោកអធិការស្រុកពេជ្រាដា…
រាជធានីភ្នំពេញ ៖ ស្នងការនគរបាលខេត្តមណ្ឌលគិរីកាលពីវេលាម៉ោង៩យប់ ថ្ងៃទី២៦ ខែមិថុនា ឆ្នាំ២០១៨ បានដឹកនាំកម្លាំងចុះប្រតិបត្តិការបង្ក្រាបការជួញដូរគ្រឿងញៀនខុសច្បាប់នៅចំណុចលំនៅឋានមួយកន្លែងក្នុងភូមិពូល ឃុំប៊ូស្រា ស្រុកពេជ្រាដា ដែលក្នុងប្រតិបត្តិការនេះមានការតដៃពីជនសង្ស័យបណ្តាលឲ្យលោកអធិការស្រុកពេជ្រាដា បណ្តាលឲ្យរងរបួសដៃខាងស្តាំ ចំណែកជនសង្ស័យម្នាក់ត្រូវសមត្ថកិច្ចបាញ់បាក់ភ្លៅម្ខាង ។
លោកឧត្តមសេនីយ៏ត្រី សូ សុវណ្ណ ស្នងការរងខេត្តបានឲ្យដឹងថា នៅវេលាម៉ោង៩នឹង៣០នាទីយប់មានករណីជួញដូរញៀននៅចំណុចខាងលើក្រោយពេលដែលកម្លាំងទទួលបានព័ត៌មានចុះជាបន្ទាន់ដើម្បីចាត់វិធានការចូលទៅព័ទ្ធផ្ទះសង្ស័យ ។
លោកឧត្តមសេនីយ៏បន្តថា ខណៈពេលនោះក្រុមជនល្មើសមានគ្នីគ្នាច្រើន៦នាក់បានស្ទុះហក់បុកទ្វារច្រានសមត្ថកិច្ច និងបានឆក់កាំភ្លើងពីដៃសមត្ថកិច្ច ។ ពេលនោះសមត្ថកិច្ចក៏បានបាញ់ការពារខ្លួនបណ្តាលឲ្យត្រូវជនសង្ស័យម្នាក់ចំភ្លៅ និងឃាត់បានជនសង្ស័យប្រុសស្រីចំនួន២នាក់បន្ថែមទៀត ចំណែកជនសង្ស័យបីនាក់ទៀតបានរត់គេចខ្លួនបាត់ ។ ក្នុងប្រតិបត្តិការនេះដែលលោកវរសេនីយ៏ត្រី តាត់ យ៉េន អធិការនគរបាលស្រុកពេជ្រាដា ក៏ត្រូវជនសង្ស័យបាញ់តបវិញបណ្តាលឲ្យរបួសដៃស្តាំត្រូវបញ្ជូនទៅសង្គ្រោះនៅមន្ទីរពេទ្យ ។
ករណីខាងលើនេះសមត្ថកិច្ចឃាត់បានជននសង្ស័យស្រីប្រុសចំនួន៣នាក់តែនៅមិនទាន់បញ្ចេញអត្តសញ្ញាណគិតត្រឹមវេលាម៉ោង១រសៀលថ្ងៃទី២៧ ខែមិថុនា ឆ្នាំ២០១៨ នឹងរឹបអូសបានវត្ថុតាងជាគ្រឿងញៀនជាច្រើកញ្ចប់ រួមនឹងម្ស៉ៅរំសែវ ព្រមទាំងកាំភ្លើងកែច្នៃ ជាច្រើនដើមផងដែរ ។ ចំពោះគ្រឿងញៀនសមត្ថកិច្ចនៅមិនទាន់ធ្វើការថ្លឹងនោះទេកំពុងស្ថិតនៅក្នុងនីតីវិធី ៕
ចែករំលែកព័តមាននេះ