រាជធានីភ្នំពេញ ៖ គជបបានប្រកាសទទួលស្គាល់អ្នកសង្កេតការណ៍ជាតិ និងអន្តរជាតិ ប្រហែលជាង៥០,០០០នាក់ មកពីស្ថាប័ន៨២ រួមមានភូមា ចិន សិង្ហបូរី ត្រូវបានគណៈកម្មាធិការជាតិរៀបចំការបោះឆ្នោតទទួលស្គាល់ផ្លូវការកាលពីថ្ងៃទី២៦…
រាជធានីភ្នំពេញ ៖ គជបបានប្រកាសទទួលស្គាល់អ្នកសង្កេតការណ៍ជាតិ និងអន្តរជាតិ ប្រហែលជាង៥០,០០០នាក់ មកពីស្ថាប័ន៨២ រួមមានភូមា ចិន សិង្ហបូរី ត្រូវបានគណៈកម្មាធិការជាតិរៀបចំការបោះឆ្នោតទទួលស្គាល់ផ្លូវការកាលពីថ្ងៃទី២៦ ខែមិថុនានេះ ។
នេះបើតាមការប្រកាសរបស់គជបនៅព្រឹកថ្ងៃទី២៧ ខែមិថុនា ឆ្នាំ២០១៨ ។ ពេលនេះ គជប កំពុងពិនិត្យពាក្យសុំរបស់អ្នកសង្កេតការណ៍ជាតិ អន្តរជាតិ អង្គការមិនមែនរដ្ឋាភិបាល សមាគមចំនួន៨០០នាក់ទៀត ។
សេចក្តីប្រកាសព័ត៌មានរបស់ គជប បានបញ្ជាក់ថា ការទទួលពាក្យ និងការចុះបញ្ជីជាអ្នកសង្កេតការណ៍សម្រាប់ការបោះឆ្នោតសកលថ្ងៃទី២៩ ខែកក្កដា ឆ្នាំ២០១៨នេះនឹងត្រូវបញ្ជាប់ថ្ងៃទី១៨ ខែកក្កដា (១០ថ្ងៃមុនការបោះឆ្នោត) ។
គជបលើកឡើងថា ៖ សមាជិកក្រុមប្រឹក្សាឃុំសង្កាត់ មេភូមិ និងកម្លាំងប្រដាប់អាវុធមិនត្រូវបានអនុញ្ញាតឲ្យធ្វើការសង្កេតការណ៍ ដើម្បីសង្កេតមើលការបោះឆ្នោត និងការរាប់សន្លឹកឆ្នោតទេ ៕
ចែករំលែកព័តមាននេះ