ខេត្តប៉ៃលិន ៖ មួយរយៈនេះគេសង្កេតឃើញមានការតែងតាំងអភិបាលរងខេត្ត អភិបាលរងក្រុងស្រុកប្រធានអនុប្រធានមន្ទីរក្នុងខេត្តប៉ៃលិនជាច្រើនរូប គួឲ្យកត់សម្គាល់ ហើយការតែងតាំងនេះធ្វើឡើងដោយមិនមានការឯកភាពពីប្រធានមន្ទីរចាស់ទេ គឺសម្រេចទៅលើអភិបសាលខេត្តតែម្តង មន្ទីរខ្លះអ្នកសកម្មក្នុងការងារមិនបានតែតតាំងទេ បែរជាទៅតែងតាំងអ្នកអសកម្មក្នុងការងារទៅវិញ ។…
ខេត្តប៉ៃលិន ៖ មួយរយៈនេះគេសង្កេតឃើញមានការតែងតាំងអភិបាលរងខេត្ត អភិបាលរងក្រុងស្រុកប្រធានអនុប្រធានមន្ទីរក្នុងខេត្តប៉ៃលិនជាច្រើនរូប គួឲ្យកត់សម្គាល់ ហើយការតែងតាំងនេះធ្វើឡើងដោយមិនមានការឯកភាពពីប្រធានមន្ទីរចាស់ទេ គឺសម្រេចទៅលើអភិបសាលខេត្តតែម្តង មន្ទីរខ្លះអ្នកសកម្មក្នុងការងារមិនបានតែតតាំងទេ បែរជាទៅតែងតាំងអ្នកអសកម្មក្នុងការងារទៅវិញ ។
នៅពេលថ្មីៗនេះកាលពីវេលាម៉ោង១១និង៣៣នាទីថ្ងៃទី២៥ ខែមិថុនា ឆ្នាំ២០១៨ កន្លងទៅនេះមានគណនេយ្យហ្វេសប៊ុករបស់អនុប្រធានមន្ទីរវប្បធម៌ និងវិចិត្រសិល្បខេត្តប៉ៃលិនបានបង្ហោះនៅក្នុងបណ្តាញសង្គមថា ៖ សូមលោកជំទាវ រដ្ឋមន្ត្រីក្រសួងវប្បធម៌ និងវិចត្រសិល្ប និងឯកឧត្តមរដ្ឋមន្ត្រីក្រសួងមុខងារ សាធារណៈមេត្តាជួយផ្តល់យុត្តិធម៌ដល់រូបខ្ញុំបាទផង អ៊ី លីឈុន បានបំពេញការងារជាអនុប្រធានមន្ទីរអស់រយៈពេល១៩ឆ្នាំមកហើយ មុនពេលលោក លឹម ប៊ុនហេង ប្រធានមន្ទីរចាស់បានចូលនិវត្តន៍ ។
គាត់បានស្នើសុំទៅអភិបាលខេត្តប៉ៃលិនតែងតាំងរូបខ្ញុំជំនួសរូបគាត់ ហើយអភិបាលខេត្តចាស់ៗ លោកបានចូលនិវត្តន៍អស់ផងដែរ ។ ម្លោះហើយធ្វើឲ្យអភិបាលខេត្តថ្មីគាត់សម្រេចចិត្តតែងតាំងលោកព្រហ្ម រដ្ឋាជាប្រធានមន្ទីរថ្មី ហើយលោកព្រហ្ម រដ្ឋាទើបតែតែងតាំងជាអនុប្រធានមន្ទីរបាន១ឆ្នាំ៥ខែទេមិនទាន់សមស្រប និងត្រឹមត្រូវតាមប្រកាសលេខ៧៨៨ របស់រដ្ឋមន្ត្រីក្រសួងមុខងារសាធារណៈនៅឡើយ ។ សូមលោកជំទាវរដ្ឋមន្ត្រីមេត្តាផ្តល់យុត្តិធម៌ដល់រូបខ្ញុំបាទ ដោយក្តីអនុគ្រោះផង ។
ពាក់ព័ន្ធទៅនឹងបញ្ហានេះលោក ផាន់ ចាន់ធុល អភិបាលខេត្តប៉ៃលិនដែលទើបនឹងឡើងកាន់តំណែងបានរយៈពេល២ខែបានលើកឡើងកាលពីព្រឹកថ្ងៃទី២៦ ខែមិថុនា ក្នុងឱកាសពិធីប្រកា សតែងតាំងមុខតំណែងប្រធានមន្ទីរទេសចរខេត្តប៉ៃលិនថ្មីបានឱ្យដឹងថា នៅតាមមន្ទីរអង្គភាពភាគច្រើនមិនសូវពូកែនឹងការងាររបស់ខ្លួននោះទេពូកែតែអាខាងអួតអាង និងយកមុខ ហើយដណ្តើមតំណែងគ្នាប៉ុណ្ណោះ ។ លោកបន្តទៀតថា ចំណុចសំខាន់ផ្សេងទៀត គឺទម្លាប់របស់មន្ត្រីក្នុងខេត្តនេះមិនសូវពូកែធ្វើការអភិវឌ្ឍការងាររបស់ខ្លួនប៉ុន្មាននោះទេខ្លាំងតែខាងបង្ហោះហ្វេសប៊ុក ៕
ចែករំលែកព័តមាននេះ