រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសនៅចំពោះមុខកម្មក-កម្មការិនីរោងចក្រកាត់ដេរជាង២៤,៣០០នាក់ ឲ្យងើបបះបោរប្រឆាំង និងផ្តួលរំលំសម្តេចឲ្យចុះចេញពីតំណែងចុះ បើសិនជាគោលនយោបាយគាំពារសង្គមរបស់រាជរដ្ឋាភិបាលនឹងបញ្ចប់ក្រោយបោះឆ្នោតដូចអ្វីដែលសកម្មជនអតីតបក្សប្រឆាំងដើរឃោសនាអកុសលនោះ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសនៅចំពោះមុខកម្មក-កម្មការិនីរោងចក្រកាត់ដេរជាង២៤,៣០០នាក់ ឲ្យងើបបះបោរប្រឆាំង និងផ្តួលរំលំសម្តេចឲ្យចុះចេញពីតំណែងចុះ បើសិនជាគោលនយោបាយគាំពារសង្គមរបស់រាជរដ្ឋាភិបាលនឹងបញ្ចប់ក្រោយបោះឆ្នោតដូចអ្វីដែលសកម្មជនអតីតបក្សប្រឆាំងដើរឃោសនាអកុសលនោះ ។
សម្តេចបានប្រតិកម្មបែបនេះបន្ទាប់ពីមានអ្នកខ្លះដែលមកពីអតីតគណបក្សសង្គ្រោះជាតិដែលត្រូវបានរំលាយទៅហើយនោះដើរនិយាយឃោសនាប្រាប់បងប្អូនកម្មករ-កម្មការិនីរោងចក្រកាត់ដេរ ដោយចាប់ផ្តើមសកម្មភាពរបស់គេនៅរោងចក្រនៅ 7NG ថា នយោបាយដាក់គាំពារសង្គមដូចជា ការផ្តល់ប្រាក់ឧបត្ថម្ភ៤០ម៉ឺនរៀល សម្រាប់កម្មការិនីឆ្លងទន្លេបានកូនមួយក៏ដូចជា សេវាកម្មព្យាបាលសុខភាពមិនគិតថ្លៃសម្រាប់កម្មករទាំងក្នុង និងក្រៅប្រព័ន្ធ គឺធ្វើត្រឹមពេលបោះឆ្នោត ។
ថ្លែងនៅក្នុងពិធីជួបសំណេះសំណាលជាមួយបងប្អូនកម្មករ-កម្មការនីនៅខេត្តកំពង់ឆ្នាំងសម្តេចតេជោ ហ៊ុន សែនមានប្រសាសន៍បញ្ជាក់ថា បើសិនជាដូច ការឃោសនាអកុសលថា ក្រោយការបោះឆ្នោត គឺគណបក្សកាន់អំណាចនឹងឈប់អនុវត្តកម្មវិធីនេះហើយ«ប៉ុន្តែពូសូមបញ្ជាក់ជូនក្មួយៗកម្មករនៅទីនេះ និងកម្មករទូទាំងប្រទេសថា ក្មួយងើបបះបោរ និងផ្តួលរំលំហ៊ុន សែន ចុះ» បើសិនគោលនយោបាយគាំពារសង្គមដែលបានដាក់ចេញ និងកំពុងអនុវត្តដោយបក្សកាន់អំណាចពិតជាបញ្ឈប់ត្រឹម ក្រោយថ្ងៃបោះឆ្នោត សម្តេចក៏បានផ្តាំថា សូមក្មួយៗត្រៀមបាតុកម្មពូនឹងចុះចេញពីតំណែង បើសិនពិតជាបញ្ឈប់កម្មវិធីគោលនយោបាយគាំពារសង្គមពិតមែន ។
សម្តេចក៏បានបញ្ជាក់ថា អញ្ចឹងសុំផ្តាំទៅអ្នកដើរខ្សឹបដែលអ្នកដើរខ្សឹបនោះ គឺគ្មាននរណាក្រៅពីក្រុមបក្សប្រឆាំងដែលត្រូវបានរលាយទៅហើយនោះទេ«ដូច្នេះបើក្រោយបោះឆ្នោតលែងអនុវត្តមែន ក្មួយៗធ្វើបាតុកម្មប្រឆាំងពូចុះ ពូឥតមានហាមឃាត់ទេ» ។ សម្តេចនាយករដ្ឋមន្ត្រីបានបញ្ជាក់ថា កម្មវិធីគាំពារសង្គមនឹងត្រូវអនុវត្តរហូតសម្តេចចប់ភារកិច្ចរយៈពេល១០ឆ្នាំទៀតយ៉ាងតិច ៕
ចែករំលែកព័តមាននេះ