ខេត្តកណ្តាល ៖ បុរសម្នាក់បើកម៉ូតូបត់ឆ្លងដោយខ្វះការប្រុងប្រយ័ត្នត្រូវរថយន្តបើកពីក្រោយ ជាន់ហ្វ្រាំងមិនទាន់ ជ្រុលទៅបុកស្លាប់ ក្រោយក្រុមគ្រួសារដឹកបញ្ជូនទៅដល់មន្ទីរពេទ្យបង្អែកស្រុកស្អាង ។ ហេតុការណ៍នេះបានកើតឡើងកាលពីម៉ោងប្រមាណ៥ល្ងាច ថ្ងៃទី២៥ ខែមិថុនា…
ខេត្តកណ្តាល ៖ បុរសម្នាក់បើកម៉ូតូបត់ឆ្លងដោយខ្វះការប្រុងប្រយ័ត្នត្រូវរថយន្តបើកពីក្រោយ ជាន់ហ្វ្រាំងមិនទាន់ ជ្រុលទៅបុកស្លាប់ ក្រោយក្រុមគ្រួសារដឹកបញ្ជូនទៅដល់មន្ទីរពេទ្យបង្អែកស្រុកស្អាង ។ ហេតុការណ៍នេះបានកើតឡើងកាលពីម៉ោងប្រមាណ៥ល្ងាច ថ្ងៃទី២៥ ខែមិថុនា ឆ្នាំ២០១៨ ស្ថិតនៅតាមផ្លូវលេខ២១បេ ក្នុងភូមិស្វាយតានី ឃុំព្រែកគយ ស្រុកស្អាង ខេត្តកណ្តាល។
នគរបាលបានឲ្យដឹងថា ជនរងគ្រោះមានឈ្មោះ ជាវ ឆិះ ភេទប្រុស អាយុ៤៧ឆ្នាំ មានមុខរបរជាកសិករ រស់នៅក្នុងភូមិ ឃុំកើតហេតុខាងលើ ជិះម៉ូតូមួយគ្រឿងម៉ាក ហុងដាគូបជ្រុង C-90 ពណ៌ទឹកប៊ិច ពាក់ស្លាកលេខ ភ្នំពេញ1AO-3119។ ចំណែករថយន្តដែលជ្រុលទៅបុកម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3B-7538 អ្នកបើកបរពុំត្រូវបានគេស្គាល់ឈ្មោះនោះទេ។
នគរបាលបានបន្តថា មុនពេលកើតហេតុគេឃើញម៉ូតូ និងរថយន្តបើកបរស្របទិសគ្នា ពីត្បូងទៅជើងលុះដល់ចំណុចកើតហេតុ អ្នកបើកម៉ូតូបើកបត់ឆ្វេងក្នុងគោលបំណងផ្លូវមកឆ្វេងដៃរបស់ខ្លួន ពេលអ្នកបើករថយន្ត ជាន់ហ្វ្រាំងមិនទាន់ក៏ជ្រុលទៅពីក្រោយពេញទំហឹង បណ្តាលឲ្យអ្នកបើកបរម៉ូតូរងរបួសធ្ងន់។ ក្រោយកើតហេតុក្រុមគ្រួសារបានដឹកបញ្ជូនជនរងគ្រោះទៅព្យាបាលមន្ទីរពេទ្យបង្អែកស្រុកស្អាង ប៉ុន្តែជាអកុសលក្រោយបញ្ជូនទៅដល់មន្ទីរពេទ្យជនរងគ្រោះក៏ដាច់ខ្យល់ស្លាប់បាត់ទៅ។ ចំពោះមធ្យោបាយធ្វើដំណើរទាំងពីរគ្រឿងត្រូវអូសយកមករក្សាទុកនៅអធិការដ្ឋាន ដើម្បីភាគីទាំង២ចូលខ្លួនមកដោះស្រាយ ទៅតាមផ្លូវច្បាប់៕
ចែករំលែកព័តមាននេះ